Princi, në dokumentarin “The Me You Can Not See”, i nxjerr jashtë të gjithë demonët e tij: “Pija dhe drogohesha për të fshehur dhimbjen”. Një dhimbje që askush në royal family, madje as babai Karl, nuk do ta ndihmonte për ta kapërcyer
Alkool, drogë, sulme paniku. Nga 28 deri në 32 vjeç, Harry i Anglisë ka përjetuar periudhën më të errët të jetës së tij pas vdekjes së nënës Diana. Një makth që princi rrëfen me hollësi në serinë e shëndetit mendor (krijuar dhe prodhuar me Oprah Winfrey) The Me You Can Not See, transmetuar në Apple TV: “Të premten ose të shtunën pija aq shumë alkool sa pija në një javë. Kam pirë dhe kam marrë drogë jo për t’u argëtuar por për të ndjerë më pak. Përpiqesha ta fshihja dhimbjen”.
Harry ishte vetëm 12 vjeç kur vdiq nëna e tij. Por funeralet e saj janë stampuar me flakë në kujtesën e tij: “Ajo që mbaj mend më qartë është tingulli i thundrave të kuajve. Ishte sikur të kisha dalë nga trupi im, sikur të ecja duke bërë atë që pritej nga unë. Tregoja një të dhjetën e emocioneve që të gjithë tregonin: kjo ishte nëna ime, ju nuk e keni takuar kurrë kurrë”.
Ngadalë Harry filloi të binte në humnerë për të prekur fundin në moshën midis 28 dhe 32 vjeçëve, periudha më e errët e jetës së tij. Aso kohe, familja mbretërore dhe tabloidët besonin se po përjetonte një periudhë rebelimi. Nga ana tjetër, bënte një jetë të shkujdesur, mes skandaleve, alkoolit dhe drogës, “për të ndjerë më pak”. Edhe sepse kur kërkonte ndihmë nga familja e tij, si përgjigje mori “vetëm heshtje”.
Babai Karl, atëherë, sipas Harrit, nuk i erdhi aspak në ndihmë. Kur ai dhe William pyesnin babanë për ftohtësinë e familjes mbretërore, Princi i Uellsit përgjigjigjej: “Epo, kështu ka qenë për mua prandaj kështu do të jetë kështu edhe për ju”. Harry këtë nuk mund ta kuptonte: “S’ka kuptim. Vetëm sepse ti ke vuajtur nuk do të thotë që edhe fëmijët e tu duhet të vuajnë”.
Princi më pas pranoi se pa Meghan Markle nuk do ta kishte dalë mbanë. Ishte ajo që e shtyu të shkonte në terapi: “Një ditë ai më tha: ‘Mendoj se ti duhet të shohësh dikë’. Pasoi një grindje e vërtetë, ishte sikur të ish’ kthyer Harry dymbëdhjetë vjeç…”. Por në fund u bind: “E dija që nëse nuk do të shkoja në terapi do ta humbisja gruan me të cilën doja të kaloja pjesën tjetër të jetës time”.