Blog

  • Justin Bieber dhe Hailey Baldwin: Pashka është dashuri

    Justin Bieber dhe Hailey Baldwin: Pashka është dashuri

    Çifti, që po kalon periudhën e “social distancing” për shkak të pandemisë, në Kanada, shfaqet gjithnjë e më i bashkuar

    Është një Pashkë gjithë përkëdheli dhe puthje ajo e Justin Bieber, 26 vjeç, dhe Hailey Baldwin, 23. Çifti, i martuar që nga shtatori i kaluar, po kalon javët e izolimit të imponuara nga pandemia koronavirus në Kanada. Me imazhe të ndryshme, të shpërndara në profilet e tyre përkatëse në Instagram ata treguan ditën e tyre speciale të Pashkëve.

    “Love u babe”, është përgjigja e Justin Bieber përkrah kolazhit të puthjeve dhe buzëqeshjeve të publikuara nga gruaja e tij.

    Në stories e profilit të saj, Hailey ka ndarë më pas detaje nga dreka e tyre, pamja e liqenit, e ndjekur nga relaksi i shtrirë në parkun e tyre duke dëgjuar muzikë.

    View this post on Instagram

    Love u babe

    A post shared by Justin Bieber (@justinbieber) on

    Nga pamjet e para të bashkimit të tyre, janë të pakta herët që Justin Bieber dhe Hailey Baldwin janë dukur të largët. Siç ka shkruar vetë Bieber pak ditë më parë në mediat sociale, çifti është vërtet i lumtur. “Kjo vajzë më bën të buzëqesh”, ka komentuar popstari kanadez pranë një serie fotografish në të cilat burrë e grua janë shtrirë në divan dhe po qeshin së bashku.

    View this post on Instagram

    THIS LADY MAKES ME SMILE #FACTS

    A post shared by Justin Bieber (@justinbieber) on

    Pak më shumë se një muaj më parë, me rastin e ditëlindjes së 26-të të të shoqit, në 1 Mars, Hailey Baldwin ka kujtuar nëpërmjet një postimi, që është një deklaratë dashurie, se sa e fortë është lidhja e tyre. “Gëzuar ditëlindjen mikut tim më të mirë, të faleminderit që më ke dhënë dhe prapë më jep sërish buzëqeshje në fytyrën time çdo ditë. Të dashuroj”, ka shkruar modelja, duke publikuar më pas disa imazhe nga festa e ditëlindjes pranë pishinës dhe shumë private. Përgjigja e Bieber? “Je ti dhurata ime e ditëlindjes, bubba”, duke publikuar nga ana e tij një foto të mbrëmjes së kaluar së bashku me gruan e tij.

    Për të kurorëzuar gjithë këtë dashuri, duket se mungon vetëm një fëmijë. Dhe, edhe ai mund të vijë. Gjatë muajve të fundit Bieber ka thënë disa herë se dëshiron të ngrejë një familje, duke shtuar edhe se në fund të turneut të tij të ardhshëm do të ishte fantastike të kishte një fëmijë. Por fjala e fundit i takon të shoqes, siç theksoi popstari it në sallonin televizive të Ellen DeGeneres. ” Do të vendosë Hailey, trupi është i saj.”

  • Naomi Campbell kujton shakanë me Williamin adoleshent, të organizuar nga Diana

    Naomi Campbell kujton shakanë me Williamin adoleshent, të organizuar nga Diana

    Laura DANI – Supermodelja, me kërkesë të Lady Diana, u gjet së bashku me supermodele të tjera të viteve ’90 në Kensington Palace. William, 13 vjeç, u kthye nga shkolla dhe i gjeti përpara tij: “Çfarë sikleti, u bëngjyrë vjollcë, u ngatërrua nëpër shkallë”

    Nga fotosesionet, tek sfilatat ndërkombëtare të modës dhe tapetet e kuq të eventeve më të rëndësishme botërore. Në karrierën e saj të gjatë si supermodele, Naomi Campbell ka përvoja të panumërta të paharrueshme. Por është një moment vërtetë shumë i veçantë që ajo nuk do ta harrojë kurrë: kur u bë bashkëpunëtore e Princeshës Diana në organizimin e një surprize për ditëlindjen e Princ William adoleshentit.

    “Shkova me supermodele të tjera të viteve ’90 si Claudia [Schiffer] dhe Christy [Turlington] në Kensington Palace”, rrëfen 49 vjeçarja në një chat live të No Filter me mikeshën e saj Cindy Crawford, “Ai po kthehej në shtëpi nga shkolla dhe ne gjendeshim aty.

    Gjithçka e orkestruar nga Princesh Diana. Princi William asokohe ishte 13 vjeç”. Edhe Cindy tregon se si u takua me realët britanikë disa vjet më vonë, kur William ishte 16 vjeç. “A u skuq kur u takove?”, pyet Naomi. “Besoj e po”. Një version ky që është konfirmuar edhe nga vetë princi. Në një dokumentar të kohëve të fundit, William ka treguar edhe se si kur – vetëm trembëdhjetë vjeç – ai u kthye në shtëpi – në apartamentin e tyre Kensington – dhe e gjeti veten para supermodeleve me të cilët kishte mbushur muret e dhomës së tij. Në siklet, William – i skuqur – iu ngatërruan këmbët nëpër shkallë: “Isha plotësisht dhe absolutisht i turbulluar”. Si dy supermodelet ashtu dhe William bien dakord për një gjë tjetër: “Diana ishte e veçantë. E përulur, me këmbë në tokë dhe e jashtëzakonshme”.

  • Lady Diana, projekti sekret i Meghan dhe Harry?

    Lady Diana, projekti sekret i Meghan dhe Harry?

    Laura DANI – Sipas rrëfimeve të një maxhordomi të Lady D, Princesha kishte në mend një plan për të ndryshuar jetën e saj

    Kanë kaluar 22 vjet nga ai 31 gusht 1997, dita e aksidentit automobilistik në Paris që largoi Diana Spencer, por ende edhe sot vazhdon të flitet për Princeshën e Uellsit, veçanërisht tani që i biri Harry, së bashku me Meghan Markle, i thanë lamtumirë Kurorës.

    Një ikonë e stilit, gjithmonë në qendër të gossip (për fatin e saj të keq), Lady D ka qenë gjithmonë një personazh i dashur: nuk është rastësi që populli anglez vendosi mijëra lule para Buckingham Palace në ditët pas vdekjes së saj, imazhe këto që kanë mbetur në histori.

    Vite më vonë, vazhdojnë të dalin detaje të panjohura të jetës së tij: rradha për të rrëfyer është e Paul Burrell, maxhordomit të saj, i cili në vitin 2003 botoi një libër me titull Royal Duty, në të cilin ka nxjerrë në dritë një dëshirë të pretenduar të ish-gruas së Princit Charles.

    Sipas Burrell, Princesha kishte planifikuar të fillonte një jetë të re në Kaliforni pak para vdekjes së saj, e se ajo madje kishte nisur të kërkonte një shtëpi për të jetuar në Malibu, së bashku me fëmijët e saj, Princat William dhe Harry. Dhe jo vetëm kaq: ai ka specifikuar gjithashtu se vendi i përzgjedhur ishte vendbanimi i dikurshëm i aktores britanike Julie Andrews.

    Ndërsa promovonte librin, maxhiordomi ka treguar se së bashku me Diana Spencer ai kishte parë edhe planimetrinë e shtëpisë, duke siguruar se Princesha besonte që djemtë e saj në Amerikë do të jetonin më mirë sesa në Mbretërinë e Bashkuar.

    Në një intervistë të vitit 2007 në ABC News, Paul Burrell kishte rrëfyer gjithashtu edhe për një ide të Lady D: “Kjo është jeta jonë e re, a nuk do të ishte e mrekullueshme? Mendoni për stilin e jetës së fëmijëve këtu. Askush nuk të gjykon në Amerikë, nuk ekziston një sistem klasash sociale, nuk ka një establishment”.

    E nëse rrëfimi i maxhiordomit të Dianës do të ishte e vërtetë, do të ishte e pamundur të mos vërehet ngjashmëritë midis projektit sekret të Princeshës së Uellsit dhe planeve të Harry dhe Meghan Markle. Në fakt, Burrell nuk mund të mos e vërejë paralelizmin midis jetës së nënës dhe të birit, në intervistën me programin Inside Edition:

    Ata po ndjekin vërtet gjurmët e Dianës. Më pati thënë se do të blinte shtëpinë e Julie Andrews për t’u vendosur atje dhe do t’i jepte William dhe Harry një perspektivë të re për jetën. Do ta kish përqafuar Meghan dhe Harry dhe t’u thoshte atyre: “Bëni gjithçka që ju bën të lumtur”.

    Sipas maxhiordomit, midis William dhe Harry ekziston një harmoni e madhe. Ai është i bindur se ata e kanë marrë vendimin së bashku, duke folur për atë që ishte më e mira për ta dhe për Familjen Mbretërore:

    Në kohën e vdekjes së nënës ata ishin shumë të lidhur me njëri-tjetrin: ajo u ka kërkuar që të lenë mënjanë dallimet midis tyre. Diana do të ishte krenare për Harry sepse ka bërë një hap të madh dhe e ka bërë atë për dashuri.

  • Boll se na e shpifët!

    Boll se na e shpifët!

    Bamirësia bëhet edhe në heshtje, nevojtarët e thyejnë urinë dhe e vijojnë jetën edhe pa u treguar se u është shpënë një thes me miell dhe u është hedhur si një qese me plehra në pragun e derës.

    “Bamirësia nuk të varfëron”, është motoja e Fondacionit “Fundjavë Ndryshe”, e tanimë është bërë kandari matës i dhurimit në vendin tonë, pasi dhe vetë shteti kërkon të ndjekë shembullin e tyre. Me qese në duar, thesin me miell mbi sup, pakot me oriz nëpër xhepa dhe me fotografë, kameramanë e aktorë figurantë, politikanët kanë nisur një fushatë “bamirësie”. Sot shprehja “Bamirësia nuk të varfëron”, duhet ndryshuar e të bëhet “Bamirësia nuk të pasuron”, pasi nuk pasuron as njerëzit në nevojë që marrin një pako me ushqime, për të shtyrë dhe 1 apo 2 ditë jetë, duke luftuar urinë, e mos t’ua marrë mendje se mund se mund të pasurojë politikanët, t’i lajë ato vjedhje, akuza, mungesa e integritetit e të përkthehet në vota.

    Pas një fushate të shëmtuar bamierësie pas tërmetit kur çdo mëkatar lau gjynahet duke ekspozuar varfërinë si të metë, politikanët shkuan edhe më tej. Pas nëpërkëmbjes së 2019-ës, ku qytetarëve të mbetur pa shtepi u jepej ushqim me baltës e pisllëkut, e jo shtëpi por çadra, telebamirësit i përdorën për shok emocional mileti emigranto fejzbukjan. Sot, në këto ditë virusi, kur të gjithë janë mbyllur në shtëpi, e presin të ikë sa më shpejt virusi (që mjekët e quajnë tinëzar) e të dalin të punojnë, politikanët me qese në duar u shkojnë derë më derë dhe thonë se po i ndihmojnë.

    Gjatë këtyre ditëve, funksionarët shtetëror nga jugu në veri, e nga lindja në perëndim trokasin në dyert e nevojtarëve e me fotografë, kameramanë, e figurantë të tjerë (të tregojnë se i gjithë shteti është në këmbë) u lënë tek pragu i derës një qese me disa ushqime (Që vrasin urinë për 1 apo 2 ditë). Deputetë, kryebashkiakë anëtarë keshillash e lloj e soj Zyloje (Personazhi i Dritëro Agollit), e kemi në Facebook me një qese në dorë. Për të qarë e për të qeshur kur sheh Blerina Gjylametin që kutive që dhuron iu vë sipër emrin e saj, a thua se është Caritas…

    E nëse ndonjë nga ata që marrin ndihma, guxon e ankohet bëhet rezil nga i pari i qeverisë. (Po po vetë Kryeministri Edi Rama), i cili përmbahet e nuk u thotë “Mos u ngopshi o të pangopur!” se një qytetari i tha që e kishte ndihmuar dy herë (Pritet që tani ai të internohet bashkë me familjen e si punë të detyruar do ngre thasët me miell që po shpërndahen në çdo cep të së bukurës Shipëri).

    Nga i pari tek i fundit, të gjithë shpëtimtarët e Fejzbukit, ku çdo kokërr orizi e çdo gram mielli, e çdo pikë vaji duhet ta promovojnë në mediat sociale, e pse jo me mediat masive, bëjnë të njëjtin gabim, ekspozojnë atë, të ndihmuarin. E nxjerrin atë para kamerave, si të ishte një VIP dhe nisin ta fotografojnë. E përdhosin, e poshtërojnë dhe në fund e shajnë, i thonë: Të kemi ndihmuar dy herë.

    Prej një muaji, ky është realiteti që po shfaqet nga zyrtarët e shtetit, ku askush prej atyre që marrin malet me qese në duar nuk e bëjnë se u dhimbsen ata; fukarenjtë që duan të mposhtin urinë, por vetja e tyre, për të larë shpirtin e për të siguruar favore nesër.

    Se çdo luftë ka heronj… Që nesër kur lufta ndaj COVID-19 ata të thirren si shpëtimtarët e tyre, e nevojtarët t’u puthin duart (E sërish këto foto do publikohen në Facebook, se kështu e do tradita). Do jepen dekorata e kështu me radhë…

    E kjo s’do ndryshojë as pas këtij shkrimi, po më së paku ju lutemi kurseni portretet e drobitura të atyre që ndihmohen!

    Shënim: Bamirësia bëhet edhe në heshtje, nevojtarët e thyejnë urinë dhe e vijojnë jetën edhe pa u treguar se u është shpënë një thes me miell dhe u është hedhur si një qese me plehra në pragun e derës.

  • Nga Brad Pitt tek Charlize Theron: yjet single të Hollywood-it

    Nga Brad Pitt tek Charlize Theron: yjet single të Hollywood-it

    Laura DANI – Disa të bukur të Hollivudit, në imagjinatën kolektive, është e pamundur të vendosen në kategorinë e “zemrave të vetmuara”. E në fakt edhe pse ata e deklarohen singëll (dhe mbase të lumtur), çiftëzohen vazhdimisht, në letër (nëpër tabloidë), me partnerë të rinj

    Disa yje për fansat dhe gossipin është e pamundur të vendosen në kategorinë e “zemrave të vetmuara”. Edhe pse deklarohen singëll (ndoshta edhe të lumtur), tabloidët bëjnë garë për t’iu atribuar flakë të reja, ndonjëherë të pamundura. Rasti më i dukshëm është ai i Brad Pitt. Që kur u prish me Angelina Jolie, aktori sipas zërave na qenkësh në një marrëdhënie – asnjëherë e provuar – me një varg femrash pak a shumë të famshme: nga Charlize Theron e deri te Margot Robbie, nga guruja shpirtërore Sat Hari Khalsa e deri tek ishi i tij Jennifer Aniston, nga shkencëtarja Neri Oxman tek aktorja Alia Shawkat. Fejesave të fandaksura që i atribuon gossipi aktori i ka vënë vizën me kohë. Aq shumë, sa me to ai u tall edhe nga skena e Globit të Artë 2020: “Kam ardhur vetëm. Doja të sillja edhe nënën time, por nuk munda, sepse thonë se kam marrëdhënie me çdo person që ecën pranë meje. Do të ishte e sikletshme”.

    Fati idnetik edhe për Charlize Theron. Aktorja, pasi u nda me Sean Penn në 2015-ën, të paktën zyrtarisht nuk ka patur më lidhje të tjera. Megjithatë, në letër (tnëpër abloidë) jeta sentimentale është shumë e gjallë. Midis shumë flirteve që i atribuohen nuk nuk mund të mos përmendet Brad Pitt: “Ironikisht ishte ish-i saj, Sean Penn, që i ka prezantuar. Dhe që nga ai ka nisur një marrëdhënie mes tyre”, rrëfente gjithë besim një insider në janar 2019. Sigurisht, do të kishte qenë një çift i bukur. Mëkat që historia nuk është konfirmuar kurrë. Apo që aktorja në fakt është akoma e lirë sentimentalisht. Dhe i lumtur: “Preferoj të jem singëll sesa të ndiej pakënaqësi ndaj dikujt që nuk më lejon të jem ajo që jam”.

    Por ideja që një grua e bukur, ëndërra erotike e miliona burrave, është prej kohësh e vetme, duket e papranueshme për shumë. Më mirë se çdo tjetër e tregon këtë rasti i Irina Shayk. Supermodelja ruse ende nuk kishte arritur të fshinte lotët prej ndarjes me Bradley Cooper, me të cilin kanë vajzën, Lean e vogël, kur e kishte çiftuar me Scott Eastwood. Më pas, ishte radha e stilistit Riccardo Tisci. Ndërsa zërat e fundit duan që ajo të fejohet me Vito Schnabel, një koleksionist arti i njohur për ish-flirtet e tij ekselente – nga Amber Heard te Heidi Klum duke kaluar tek Demi Moore dhe Elle Macpherson.

    Edhe ekzistenca e Bradley Cooper, natyrisht, është e pakonceptueshme pa një grua në krah. E çfarëdo moshe të jetë, s’ka rëndësi. Kështu, në korrik 2019 tabloidët arritën t’i atribuojnë 45-vjeçarit madje edhe një flirt me 70-vjeçaren Anna Wintour, drejtoren e famshëm të Vogue America. Një lodhje e pretenduar që ngjalli ironi në rrjetet sociale, edhe sepse në kohën lajmit që iu dha më shumë kredi ishte një tjetër: bukuroshi Bradley kishte shkuar për të bashkëjetuar me gruan që ia kishte vjedhur Irinës: Lady Gaga. Që atëherë, flakë të panumërta i janë atribuar yllit, përfshirë Bond girl Ana de Armas (e cila nga ana e saj është me Ben Affleck). Në realitet, e vetmja femër në jetën e tij, të paktën për momentin, është Lea e vogël.

    Një tjetër “e dashuruar e përdëlluar”, por vetëm për gossipe, është Emma Watson. Në vitin 2015 asaj i atribuohej edhe një flirt me Princin Harry (i mohuar menjëherë). Aktorja është aq e ngopur me të fejuarët, me të cilët e japin tabloidët, saqë ka nxjerrë një nofkë të re për vetveten: “Self partner”, “partnere e vetvetes”. Sepse ajo është “singëll dhe e lumtur”, por ndjen presionin e shoqërisë: “Nëse nuk ke një shtëpi, nëse ke një burrë, nëse nuk ke një fëmijë, dhe jeni 30 vjeç, përreth tele qarkullon një sasi e jashtëzakonshme ankthi”.

  • Demi Moore, ishi i Bruce Willis, vajzat dhe gruaja e tij: një karantinë “e zgjeruar”

    Demi Moore, ishi i Bruce Willis, vajzat dhe gruaja e tij: një karantinë “e zgjeruar”

    Një bashkim familjar për aktorin, në izolimin të detyruar me partneren historike dhe vajzat e tyre, Rumer, Scout dhe Tallulah. Partnerja aktuale Emma Heming e vlerëson me një koment të ëmbël (“Më mungon shumë”) dhe pizhama me shirita tashmë është virale

    Një karantinë e zgjeruar. Bruce Willis është duke përjetuar izolimin e detyruar me një pjesë të familjes së tij të madhe: së bashku me yllin e Hollivudit, në fakt, aty është ish-gruaja historike Demi Moore dhe tre vajzat e tyre të rritura, Tallulah (26), Scout ( 28) dhe Rumer (31). Pas fotografisë qesharake të postuar nga vajza e tretë, këtë herë është mami Demi ajo që publikon një imazh me “klanin” të mbledhur në divan.

    View this post on Instagram

    chaotic neutral

    A post shared by tallulah (@buuski) on

    “Lidhje familjare” mund të jetë titulli i përshtatshëm, megjithëse shumë fansa kanë shtryar pyetjen se ku gjendet partnerja e ri e Bruce, supermodelja Emma Heming. Përgjigja nuk zgjati shumë kohë që të vinte: “Më mungoni shumë “, ka shkruar në komente zonja aktuale Willis, e cila po e kalon karantinën në një tjetër apartament së bashku me dy vajzat e saj me aktorin amerikan, Mabel (8) dhe Evelyn (6).

    Vëmendjen e ndjekësve e tërhoqi pizhama me shirita horizontale të bardhë e të gjelbër, e bërë virale tashmë në internet: në shtëpi e veshin të gjithë, madje edhe gjashtë qenushat në plan të parë. Në sfond, me një lugë gjelle dhe pirun gjigand, spikasin Bruce dhe regjisori Dillon Buss, i dashuri i Tallulahut: disa ditë më parë kishte dalë një tjetër foto e Demi Moore, teksa po punonin së bashku në një projekt.

    Një ” quarantine crew” që duket pra se po funksionon mirë. Nga ana tjetër, nuk është e re që Bruce dhe Demi, pas 13 vjet martese, kanë mbetur në marrëdhënie të shkëlqyera edhe pas divorcit në vitin 2000: “Mundëm ta spostojmë zemrën nga marrëdhënia për t’u garantuar vajzave tona praninë dhe mbështetjen e të dy prindërve”, ka shpjeguar ajo. “Kështu, kemi konservuar një mjedis plot dashuri”.

    Edhe në karantinë, me ok në distancë të Emma-s.

  • Fotografia e parë e Meghan dhe Harry në Los Angeles mund të vlejë 100,000 dollarë (Harry dhe Meghan, etapat e pavarësisë)

    Fotografia e parë e Meghan dhe Harry në Los Angeles mund të vlejë 100,000 dollarë (Harry dhe Meghan, etapat e pavarësisë)

    Sipas paparacit të famshëm kalifornian Mark Karloff do të jetë kjo vlera e imazhit të parë të Sussexëve. Dhe dukët, kur izolimi nga koronavirusi të përfundojë, sigurisht “nuk do të jenë në gjendje t’i shpëtojë flesheve”

    Që kur zbarkuan në Los Anxhelos me Archie të vogël, Harry dhe Meghan nuk kanë qenë në gjendje ta nxjerrin hundën nga shtëpia – aq saqë ajo nuk e ka takuar akoma mamanë e saj Doria Ragland – për shkak të kufizimeve të imponuara nga koronavirusi. Por kur emergjenca shëndetësore të jetë thjesht një kujtesë e keqe, edhe ata më në fund mund të dalin jashtë. Dhe paparacët mezi po presin. Sepse fotografia e parë e Sussex në Los Angeles – me kusht që të jetë e qartë – vlen një shifër astronomike. Për të qenë më të saktë, “njëqind mijë dollarë”, sipas paparacit të famshëm kalifornian Mark Karloff. Vetëm celebs planetarë si Leonardo DiCaprio dhe Beyoncé “vlejnë” aq shumë.

    Ardhja i Harry dhe Meghan në SHBA ndodhi të enjten 26 Mars. Por fotografët, thotë Karloff, “ishin në gjueti për çiftin dhe Archie-in e vogël prej kohësh. Kur të dalin nuk do të munden t’i shpëtojnë flesheve të aparateve fotografike. Dhe të paktën për muajt e parë do të fotografohen çdo ditë”.

    Për momentin Sussex-ët po qëndrojnë në një vilë të John Barnett Hess, manjat nafte dhe i industrisë kimike (krejt ndryshe prej ambientalizmit të supozuar të çiftit). Por janë në kërkim të një shtëpie në Malibu, një oazi parajsor kalifornian në plazh, fare pak larg Los Angeles, në shkëmbinjtë e të cilit jetojnë edhe shumë yje të tjerë si Bob Dylan, Sting, Julia Roberts, Dustin Hoffman, Pierce Brosnan, Chris Martin.

    Celeb që janë transferua në këtë zonë vetëm për të qëndruar larg paparacëve. Mbërritja e Dukëve të Sussex mund të dëmtonte seriozisht qetësinë e tyre. Dhe siç ka shpjeguar Lady Victoria Hervey për Daily Mail, një eksperte e industrisë që zotëron shtëpi si në Malibu ashtu edhe në Londër, shumë yje “mund të largohen së shpejti. Këtu janë yje shumë më të famshëm se Harry dhe Meghan, siç është këngëtarja Cher”, e cila pak kohë më parë ka thënë se fotografët e bëjnë të ndjehet “e burgosur në shtëpinë e saj “. Prandaj, arsyeton Lady Victoria, “kush do t’i donte si fqinjë dy magnete paparacësh si Harry dhe Meghan?”

  • Jeta e re e Mike Tyson: Tani kultivon marijuanë

    Jeta e re e Mike Tyson: Tani kultivon marijuanë

    53 vjeç dhe pas një jete plot peripeci, boksieri më i kqe në historinë e boksit është shndërruar në një sipërmarrës të suksesshëm. Në fermën e tij në Los Angeles ai kultifon (legalisht) marihuanë. “Dhe pij 40,000 dollarë në muaj”

    Këtë herë kanibali nuk kafshoi veshin e askujt, por duke parë atë që pi duhet të ketë qetësinë e brendshme të një mjeshtri Zen. Këtë herë ish njeriu më i keq në botë ka gjetur një mënyrë për të fituar para, pa qenë e nevojshme të ngjitet në ndonjë ring dhe të shembë përtokë me grushtet e tij si varre ata që gjenden para tij. Këtë herë Mike Tyson – në jetën e tij të tretë, a të katërt – përbën lajm sepse është bërë një sipërmarrës i suksesshëm. Pra, lajmi: Tyson rrëfen në podcast-in e tij se ka filluar të kujtivojë marijuanë në fermën e tij në Los Angeles, California.

    Gjendet atje – pak a shumë si një i burgosur – pas emergjencës Coronavirus. Duke folur për ortakun e tij, Eben Britton, një ish-futbollist, thotë: “Në një muaj, pimë rreth 40,000 dollarë marihuanë”. E ka marë me filozofi këtë situatë, aq sa që hedhur edhe një slogan që tashmë ka bërë xhiron e botës: «Stay home – Smoke – Wash your hands». Mbi të gjitha, pi. Sepse në Kaliforni përdorimi i barit për qëllim rekreativ është i ligjshëm.

    53 vjeçar, “Iron Mike” nuk është më boksieri i cili në dekadën mes mesit të viteve ’80 dhe mesit të viteve ’90 ishte simbol i boksit më të egër, tani ai ka shpikur një mënyrë të re jetese. Tyson ishte një boksier i jashtëzakonshëm, mjaft teknik, por jashtëzakonisht i ashpër kur vendoste ta vinte kundërshtarin në litarë.

    Që në moshën njëzet vjeçare ai ishte në fronin e peshave të rënda, për një periudhë në të cilën dukej me të vërtetë e pamposhtur. 46 ndeshje të fituara, nga të cilat 40 me KO, dhe vetëm tre humbje: numrat e karrierës së tij flasin vetë. Por përtej bishës që në ring nuk të linte asnjë rrugëdalje, ishte një burrë të brishtë, i tunduar nga veset, i paaftë për të vendosur marrëdhënie të qëndrueshme njerëzore, i varur nga shpërthimet e zemërimit – alkoolit, drogat, seksit, i burgosur për përdhunim, për dhunë familjare – me një tërbim vetëshkatërrues që nuk hasej në shumë prej kolegëve të tij që pasi u larguan nga ringu u përfshinë në jetën reale.

    Mike u tërhoq zyrtarisht në 12 qershor 2005, pas një humbjeje kundër irlandezit Kevin McBride. Por ai tashmë kishte rreshtur së qeni Tyson për shumë vite. Kohët e fundit – pas lamtumirës – e kemi parë nëpër shumë kthesa ekzistenciale, të gjitha në kufirin midis pasurisë së rrënuar dhe mjerimit moral. Të rrënuar shpirtërisht, të mundur.

    Një jetë e shënuar nga fati i keq, që në fëmijëri. Me babai që kurrë nuk e njohu, me nënën vazhdimisht të dehur, në geto ai gjeti strehën e munguar, ringun si një rrugë shpëtimi. Një jetë plot të kundërta, e skalitur nga dhimbja pas vdekjes tragjike të vajzës 4-vjeçare. Me shtatë fëmijë, tre gra, një tigër 250 kile – Kenia – si mik, ai thotë se ka fjetur me të për 16 vjet rresht.

    Tani zbulojmë se në fermën e tij në Los Angeles ai zgjohet në agim, bredh nëpër terrenet e tij, vesh vajzat dhe ha mëngjes me to përpara se të shkojnë në shkollë, relaksohet me gruan e tij të tretë. Domethënë një jetë normale, po të mos ishte fakti se mbiemrin mund ta ketë ‘njëfarë’ Tyson dhe emrin Majk, Majk Tajson.

    Ka hapur madje edhe një shkollë, “Tyson Growing School”, ku mësohet se si të rritet marihuana. Dhe së fundi: ka fituar madje edhe një parodi në “Simpsons”. Le ta pranojmë kështu, në pritje të transformimit tjetër.

  • Zija ÇELA – Albumi i kujtesës

    Plot mistere është shpirti ynë. Prandaj vazhdimisht lindin pyetje, madje të llojit enigmë. Bie fjala, pse ndodh që të jesh mes njerëzish dhe prapëseprapë të ndiehesh vetëm? Por pse ndodh edhe e kundërta, të jesh vetëm dhe të ndiehesh me njerëz?

    Vetëm jam në studio, miq të dashtun, por ndiehem me ju. E kështu, sikur u dha një përgjigje, qenka fuqia shpirtërore që tejkalon distancat. Prandaj po e nis me një përshendetje, sepse e di mirë që ju ka rënduar karantina pandemike. Izolimi fizik, natyrisht, për të gjithë është i padëshirueshëm. Por është gjithashtu një provë kur, i mësuar të jetojë si qenie sociale, njeriu kupton njëkohësisht sa është edhe individ, pra, sa është gjithashtu i vetmjaftueshëm.

    Por tashme e pohova, ne jemi bashkë. Dhe gjithë bashkë, me buzën në gaz e me respekt suprem, le të provojmë t’i kthejmë në të kundertën vargjet e Malarmës, duke i shënuar kësisoj: “Të gjitha librat nuk i kemi kënduar/ Dhe jeta nuk është e mërzitshme”.

    Ja, e thamë dhe e bëmë. Po tani, tani ç’mund të bëjmë?! Tani kam një propozim. Veçse në këto çaste hiqeni celularin nga dora. E di, me pak butona mund të gjezdisni dynjanë. Brenda sekondës hyni në Albumin dixhital të Fotografive dhe shihni me radhë njerëzit e zemrës, të cilet tashmë i keni larg. Por, kësaj here, le të provojmë atë teknologjinë tjetër, dhuratën hyjnore që Zoti na e ka falur bujarisht. E kështu pra, filloni të përfytyroni një nga njerëzit tuaj ma të dashur, plotësojani dalëngadalë portretin, duke sjellë ndërmend çdo tipar e çdo hollësi të tij. Mos u nxitoni, u duhet të prisni ca. Nëpërmjet laboratorit natyror të trurit, fotografia po fillon t’ju shfaqet dalëngadalë, fragment pas fragmenti… Mirëpo ju po merakoseni. E përse, e përse?! Ju shfaqet bardhezi dhe me një si tis të mjegulluar? Ah, jo, mos fajësoni as filmin, as laboratorin. Sepse nuk është mjegull. Është afshi i mallit tuaj që i bie përsipër, prandaj edhe ndjeni një drithmë në gjak.

    Kujdes ama, sapo të jetë ngopur syri dhe të qetësoheni, mos harroni: Salvojeni diku në shtresat aktive të kujtesës këtë foto. Më pas po, më pas mund të sillni ndërmend një tjetër njeri të shtrenjtë për jetën tuaj, sepse tashmë ju po ripërtrini dhe po riformatoni Albumin e Kujtesës.

    Në tërësinë kozmike ky lëmshi ynë i Tokës është vetëm një ishull i vockël, fare i vockël, sa një thërrime rëre. E megjithatë, çdo banor i popullit miliardësh të botës e gjen shpejt derën e shtëpisë së vet. Mos, vallë, pikërisht pse disa vatra të trurit nuk i lemë të na mpihen, duke i mbajtur zgjuar çdo ditë?!…

    Ah, desh harrova në fund! Shpresoj, më falni për mungesën e modestisë, por shpresoj se dikush mund të më ketë përfytyruar edhe mua.

  • “Nga uji i çezmave që konsumohet, te blerja e kolive me ujë”, ja si mashtron Erion Veliaj

    “Nga uji i çezmave që konsumohet, te blerja e kolive me ujë”, ja si mashtron Erion Veliaj

    Kryebashkiaku Erjon Veliaj prej disa ditësh shfaqet duke shpërndarë ndihma te familjet në nevojë në kohën kur vendi ndodhet në një situatë pandemie me rregulla të forta në qarkullimin e qytetarëve, brenda një fashe orari që shtrihet nga oran 05:00-13:00.

    Një ditë më parë, Veliaj duke dhënë një intervistë për Abcneës, tha se kishte dalë për të bërë pazare brenda rregullave, ndërsa pohoi se kishte blerë edhe dy koli me ujë.

    “Bleva edhe dy koli me ujë”, tha Veliaj.

    Por nëse kthehemi pak në kohë, ishte kryebashkiaku i Tiranës, që i drejtonte apel qytetarëve që të konsumonin ujin e çezmave, pasi ujësjellësi kishte bërë investime dhe ai ishte brenda të gjithë parametrave.

    Madje Veliaj në apelin e tij i drejtohej qytetarëve që mos kujtonin se uji i burimeve, pra ai që tregtohet për konsum ishte më i mirë se ai që ofrohej nga rrjeti i UKT.

    Dhe u desh kjo situatë pandemie që kryebashkiaku, ndoshta edhe pa vetëdije, pranoi publikisht se vetë ai konsumon ujë të blerë, pra atë ujin e burimeve, dhe nuk konsumon ujin që ofrohet nga UKT.

    Atëherë pyetja që lind është pse mashtron Erion Veliaj?

    Kur deklaronte se uji i rrjetit të UKT konsumohet, kryebashkiaku fliste me shumë entuziazëm, madje me këtë argument pra që qytetarët e Tiranës do mund të pinë ujë nga çezmat, ai rriti edhe çmimin e ujit dhe sot faturat e Ujësjellësit janë rritur gati dy herë në krahasim me atë çfarë paguanin abonetët e UKT.

    Ndoshta kjo epidemi, pavarësisht qindra problemeve që krijoi, veçanërisht në Shqipëri, jo shumë në aspektin shëndetësor, por në atë social dhe ekonomik, zbulon edhe mashtruesin dhe mashtrimet.

    Dhe në rastin konkret zbulohet mashtrimi i Veliajt ndaj qytetarëve, por edhe mashtruesi që drejton sot Tiranën si kryebashkiak.