Blog

  • Zija ÇELA – Ca push fluturash në duart e tua…

    (Dhe me Frau Riven jam, zonjën Riviera, bijën e vetme, lindur ne Kukës, datë 1 janar, me babain nga Shkodra dhe nënën nga Himara.)

    1.Në Vienë, në sallonin e një vile të madhe, po vallëzohet. Çiftet që ndodhen më të djathtë, duke qenë të ftuar të rastit, kthejnë kokën përballë me kërshërinë për të ditur se cila është ajo zonjë me duart e vogla, tepër nazike, por me një push plot shndritje në gishtërinj, shndritje aq të çuditshme, sa duket sikur ka mbajtur në pëllëmbë një flutur, që sapo e ka lënë të fluturojë.

    2.Në Graz jetonin dy mikesha, frau Helga dhe frau Riva. Ato njiheshin prej kohësh, prandaj shpesh pinin kafe te njëra-tjetra. Në një ditë me shi, ndërsa bubullonte e llapste flaka e rrufeve, frau Riva ishte ngritur nga divani, ku drita e vetëtimave arrinte më pak, dhe ishte afruar pranë dritares duke iu zbuluar ballë për ballë atij shpërthimi të zjarrtë, plot afshe e llamburitje. Disi e habitur, Helga e kishte pyetur:

    – E përse, frau Riva?

    Dhe Riva ishte përgjigjur.

    Pas ndonja një viti, për arsye pune, Helga u mbart në Vienë. Atëherë, frau Riva u miqësua me Bettin-ën. Në një ditë me shi, kur po shungullonin bubullimat me një gjëmë të thekshme që vinte valë-valë, frau Riva u ngrit nga kolltuku i qoshes dhe vajti pranë dritares, pikërisht ku stërkalat e zjarrta ishin më të forta.

    – E përse, frau Riva? – pyeti Bettina.

    Dhe Riva iu përgjigj njëlloj, sikundër Helgës:

    – E kam amanet nga babai. Kur u largova nga Shqipëria, ai më tha: “Kudo të jesh, bija ime, sa herë që qielli të mbushet me ngarkesa dhe prej ngarkesave të shpërthejë, ti afrohu te dritarja, se nuk janë rrufetë, është shpirti im që hapet prej mallit. Jam unë që të kërkoj, moj bijë, hedh dritë rreth teje, të shoh kudo tutje dhe nga larg të fotografoj.”

    Kaluan ca muaj. Meqë burri i Bettinës trashëgoi në Vienë një vilë të mobiluar, në afërsi të parqeve të Schonbrunn-it, u tërhoqën për të jetuar atje. Vetëm si kaluan disa vjet dhe përfunduan digat shtesë, që bëheshin në zonën ku fillojnë Alpet, bashkëshorti i Rivës u punësua në një institut të hidroteknikës dhe, kështu, tri mikeshat u ribashkuan në kryeqytet.

    Me atë rast u shtrua mbrëmja e mirëseardhjes.

    3.Në Vienë, në sallonin e vilës së madhe, frau Helga e frau Bettina u gjetën përsëri para asaj të papriturës së dikurshme. Befas, duart e Rivës u veshën me një pluhur të ndritshëm, diçka që të kujtonte nitratin e argjendit në gishtërinjtë e fotografëve, kur sapo i kanë nxjerrë nga vaska e laboratorit. Me të nisur shtrëngata, Riva e kishte ndërprerë vallëzimin, ishte afruar pranë dritares me harqe si dritësoret e kishave dhe atje i kishte gurgulluar fyti prej një psherëtime të gjatë. Dy mikeshat e panë të habitura. Natyrisht, ato e kishin mirëkuptuar në fillim, kur shqiptarja e çuditshme besonte se, sa herë ndizeshin blicet e vetëtimave, shkrepte malli i babait të saj, të cilit i shfaqej fytyra e së bijës dhe sikur e fotografonte nga larg. Por çdo gjë ka një masë,  sa kohë ende do të vazhdonte ajo tërheqje misterioze?!

    – E përse, frau Riva, përse afrohesh prapë te dritarja? – e pyetën të stepura.

    – Ah, – psherëtiu Riva, që gjithnjë mund të shfrynte lirshëm, pasi bajamet i kishte hequr që në fëmijëri, – nëse atëherë ishte im atë që më shihte mua, tani jam unë që e shoh babain tim. – Edhe nuk foli më. Por pa ndonjë ngurrim, ngriti lart duart e vogla, sikur po tregonte drejtimin se nga e shihte të atin.

    Mirëpo, pikërisht atë çast, zonjat vërejtën se ai pluhuri i ndritshëm nëpër pëllëmbët e saj, nuk i ngjante më as pushit të krahëve të fluturës, as argjendit të laboratorëve fotografikë, madje as shëmbëllimit të shpuzës së vetëtimave, por atij fosforit të lehtë, krejt të veçantë, fosforit që vozit nëpër qiell, zbret herë-herë edhe më poshtë, por ne jemi në gjendje ta dallojmë vetëm në varreza.

  • Mitro ÇELA – Bordellot e Tiranës

    Mitro ÇELA – Bordellot e Tiranës

    -Nëntor 2014. Ditën e diel, u bëmë bashkë: tre pensionistë dhe një djalë. Kërnacka. Raki. Muhabetin e hapa unë:

    -Do tregoj një bëmë nga Parisi…Janë ulur në kafe” Rosant” dy burra. Njeri ka bordello. Tjetri gazetar.

    Bisesmeni:- Bordello më del me humbje. Një vit më parë ndërrova kolltuqet. Më keq bilanci. Bleva perde të kuqe. Keq e më keq. Ndërrova abazhurët. Fitimi nën nivelin e detit…

    Gazetari:- Ndërro kurvat!

    -Mitro! Më mbeti kërnacka në lëfyt.-Foli një ish mësues.- Çështë kjo fjalë “kurva”. Folë shqip: Prostitutat. Kam një vërejte:

    -Pse të flasim për bordellot e Parisit, kur Tirana nuk ka asnjë për be?!

    -Je në metro, mo dhaskal?! Vetëm në Bllok, unë di 5 bordello.- Foli djaloshi, që është edhe nipi im.-Ka prostituta nga Moldavia, Rusia, Kenia, Italia a Franca. Ka edhe studente albaneze. Me djersën e ballit nxjerrin ndonjë koqe leku.

    -Si punojet në bordello? -Tha thaskali.

    -Së pari. Kërcet telefoni…Alo…dhe të del menazheri I kurvave…Çfarë malli doni? Të huaj apo vendi? Nga vendet e lindjes apo nga perëndimi? Mbi apo nën 20 vjeçare?!…Ok. Ku jeni?…Për 30 minuta vjen taksia me vajzat….

    -Së dyti. Ka disa lokale. Në dukje kafenë. Nën rrogos ka prostituta. Në se u pret kandari, pas kërnackave, hedhim ndonjë lekë. Çmimi për të parë një herë Amerikën si pensionist, luhatet nga 40 euro deri në 150 euro. Çmimi është derivate I moshës. I shërbimeve që kërkon: Thjesht seks. Seks oral. Sekse mes cicave. Sekse një hap para-dy hapa mbrapa. Kohëzgjatja…

    -Po luaj nga fiqiri,- foli dhaskali.- Kam lexuar se bordello kishim në kohën e mbretit. Njera ka qënë aqë me famë, sa ende pas 100 vjetëve mileti thotë:

    -Takohemi tek Zogu i Zi, në kaptinë të rrugës së Durrësit. Kjo që thoni ju është bordello në të zezë. Pse flë gjumë policia? Po parlamenti pse nuk gatuan ndonjë ligj, alla ” anti duhan” për prostitutat?

    -Parlamenti e ka bërë punën,- ngava muhabetin.- Kanë arrnuar Kodin Penal, duke future këtë nene:

    -Të dënohen me burg prostitutat dhe burrat që paguajnë para për seks jashtë kurorës martesore…Dhe ligji u poq.

    -Jo vetëm u poq,- tha avokati I tavolinës,- por policia e qeverisë socialista, po e vë në jetë më fanatazi. Dëgjoni dhe gjykoni një histori të këtyre ditëve.

    -Natë. Aksion I policisë Antitrafik. Futen në një hotel buzë autostradës Tiranë-Durrës. Ngjitin një palë shkallë. Shqyejnë një derë. Krim: Në krevat, cip mbi cip një grua 42 vjeçare me një djalë 29 vjeç. Nga hetimi nuk del: Ishte apo nuk ishte fakti brenda.

    -Arsyetimi I policisë? Prostitucion . Gruaja kishte përdorur zogun me para. Të dy në praga. Po pronari?

    -Në procesverbal shkruhet: Nuk dinte gjë.

    -Po nga blloku kur do kemi vizita të policisë?

    -Policia,- Mitro xhani, – zbaton një treori të Mao Ce Dunit: “Fshati rrethon qytetin”. Morali: Në fillim “krihen” kurvat e periferisë…Në fund blloku?!

    U ndamë me miqtë. Mbeta me nipin. I thashë:

    -Si ishte ai muhabeti I klubeve të seksit? Mund të shkojmë që sot?

    Hipëm në makinë…U hap dera. Dy bodigardë na “shëtitën duart” nëpër trup. Futemi brenda. Bir o Mina! Nja pesa gjashtë çupa, mbulonin vetëm zogun!Bënin striptizëm duke fërkuar hekurin me cica.

    Kishin ardhur edhe tre mysafire nga Belgjika. Tjetër mall. Më I fisëm…

    Zumë vend në tavolinë. Morëm B52. Pas pak, dy llakuriqëse, pa I ftuar, u ulën në karriket bosh.

    Ishte mungesë takti ti përzinim…Kaq për sot, se e zgjatëm dhe e bëmë tërkuzë…

  • 36 llojet e torturave të tmerrshme që u përdorën gjatë diktaturës komuniste

    36 llojet e torturave të tmerrshme që u përdorën gjatë diktaturës komuniste

    Rrahje me dru, shpim i mishit me tel të djegur, futja e kripës në mish, lënia në ujë të ftohtë, lënia pa bukë deri në vdekje, varje me kokëposhtë, shtrëngimi i gjinjve me pinca, maçoku në tumane, mbushja e gojës me kripë , futja e jashtqitjes në gojë…

    Kjo listë e hartuar nga  Instituti i Studimeve për Krimet dhe Pasojat e Komunizmit (ISKK) në Shqipëri, bazuar në një dokumentacion të gjerë arkivor dhe dëshmi gojore nga ish të persekutuar, cilësohet si lista zyrtare e torturave të përdorura gjatë regjimit komunist nëpër qelitë e hetuesive, zyrat e ish Sigurimit të Shtetit dhe rrethana të tjera represioni, gjatë viteve 1945-1991 në Shqipëri.

    Llojet e torturave

    1-Rrahje me dru, deri në shkaktimin e plagëve

    Është torturë klasike e përgjithshme e bërë në hetuesi nga oficerët e Sigurimit e ndihmësit e tyre. Kjo torturë konsiston në goditjen me dru ose thupra (drunj të vegjël) të të pandehurit në kokë ose pjesë të trupit. Është përdorur masivisht kundër të gjithë të pandehurve apo personave të kapur sekret nga Sigurimi. Kjo lloj torture konsiston në goditjen e drejtpërdrejtë e të menjëhershme me një mjet të fortë. Ka qenë një torturë e “thjeshtë” që nuk kërkonte shumë kushte apo mjete.

    2-Kruarje e plagëve të qelbëzuara me dru

    Zhvillohej kur kishte avancuar faza e torturës dhe kishin filluar të zinin kore. Nga kjo torturë e rëndë ka vdekur në vitin 1947 Loni Adam, ish funksionar i ambasadës amerikane, ndërsa trupin kishin filluar ta hanin krimbat. Kjo lloj torture mund të kalonte deri në çmendjen e personit nga dhimbja e madhe.

    3-Shpimi i mishit me tel të djegur

    Ka qenë torturë barbare e përdorur sidomos vitet e para. Personit i ngulej një tel i nxehur në mish e cila depërton lehtësisht mbi mish e nga kjo kalon drejtpërdrejt në kockë. Prekja e kockës kishte pasoja të rënda sepse kalonte në humbjen e jetës, ose pasoja të rënda në shëndet, por edhe në çmendje. Nga përdorimi i kësaj torture ka vdekur avokat Muzafer Pipa në tetor 1946.

    4-Përdorimi i rrymës elektrike në veshë e në trup

    Ka qenë teknikë e përdorur nga Sigurimi dhe hetuesia. Përdorimi i madh i kësaj metode ka çuar në çmendje shumë persona. Rryma elektrike kalonte në trupin e personit të marrë të pandehur, në mënyrë që ai të thyhej për të pranuar procesin ose treguar gjëra në kurriz të të tjerëve.

    5-Futja e kripës në mish

    Përdorej për të acaruar gjendjen e të pandehurit. Kjo lloj torture përdorej në rastin kur plagët kishin përparuar. Përdorimi i kësaj torture kishte efekte psikike të forta, duke kaluar shpesh edhe në çmendje.

    6-Lënia në ujë të ftohtë apo në fuçi uji

    Ishte koha kur i pandehuri nuk pyetej. Trupi i lihej në një pellg me ujë në dimër në mënyrë që të kishte pasoja në shëndet. Pasojat ishin në dobësim zemre, mushkëri të sëmura, etj. Po ashtu personi vendosej në një fuçi uji. Kjo metodë përdorej kryesisht kur ishte gati ta zinte gjumi si dhe në orën e gjumit.

    7-Lënia pa bukë deri në vdekje

    Është një torturë e përdorur në hetuesi, por në raste speciale edhe në burgje. Ka ndodhur p.sh. me ish kryeministrin Kostaq Kota që vdiq në burgun e Burrelit në vitin 1948.

    8-Lënia pa bukë për disa kohë

    Përdorej në hetuesi dhe në izolim në burgje. Përdorimi i kësaj torture synonte thyerjen e të pandehurit në mënyrë që ky të mendonte se jetën e kishte të shkurtër.

    9-Lënia zhveshur në të ftohtë

    Përdorej në hetuesi dhe pothuaj në burgje si masa disiplinore. Kjo lloj torture kishte edhe efekte psikologjike për nga fotografimi i pamjes kur i dënuari lihej të shikohej nga të burgosur të tjerë.

    10-Jeleku

    Përdorej si mjet ndihmës për të rritur efektin e torturës. Muço Sali deklaronte: “Janë vënë në jelek dhe me një dru në mes të duarve dhe të këmbëve vareshin në dy stola, gjë që i bënte njerëzit si breshkë, duke i shkaktuar dhimbje të mëdha”. Jepej ideja sikur njeriu ishte vendosur në hell për t’u pjekur.

    11-Dinamit në trup

    Vendosja e dinamitit në trup kishte efekt në zemër dhe në tru. I pandehuri kërcënohej se do hidhej në erë. Oficeri i Sigurimit vazhdimisht mbante shkresën në dorë duke dhënë përshtypjen se mund ta ndizte fitilin. Rriste stresin dhe ankthin me shpejtësi të madhe, duke kontribuar në sëmundje të rënda e të pashërueshme.

    12-Shtrëngim i gjinjve me pinca

    Një torturë e përdorur te meshkujt, linte pasoja në lëkurën e mishit të personit që torturohej. Përdorej sepse gjinjtë si gjëndra lëshonin efekt të fortë dhimbjeje.

    13-Futja e të pëgërëve (jashtëqitjes) në gojë

    Kryhej shumë vitet e para sidomos ndaj klerikëve që mbanin mjekër. E kanë përdorur ndaj Sheh Ibrahim Karbunarës. Jo vetëm që të shkaktonte dhimbje nga era e keqe, por grumbullonte edhe mizat.

    14-Varje me kokë poshtë

    Është përdorur rëndom ndaj personave të akuzuar për krime shumë të rënda politike. Ka qenë ndër torturat më rraskapitëse e cila linte pasoja të mëdha mendore.

    15-Lidhje me lin

    Lidhja me fijet e linit shkaktonte vija në trupin e një njeriu. Kjo lloj lidhje shkaktonte deformime, të cilat i shiheshin personit gjatë gjithë jetës.

    16-Lënie në diell

    Përdorej si torturë për të burgosurit e për të paraburgosurit, në degë të punëve të brendshme ose në kampe pune. Nuk përdorej në burgje. Në kampe, i dënuari lihej në diell, kryesisht muajt e verës, në vendet ku punohej. Kjo jo vetëm për t’i shkaktuar torturë, por edhe për të shërbyer si shembull për të tjerët.

    17-Maçoku në tumane

    Përdorej kryesisht ndaj femrave. Maçoku futej brenda tumaneve të femrës dhe pastaj goditej me dru nga jashtë. Përpjekja e maçokut me thonjtë e tij për të dalë nga kjo gjendje, shkaktonin dhimbje të mëdha te femra që kishte veshur tumanet.

    18-Përgatitje e varrit

    Përdorej në dy forma: e para, para një varri të hapur ku bëhej gati improvizimi i vrasjes së të dënuarit dhe e dyta, kur i pandehuri hapte vetë varrin ku mendohej se do varrosej.

    19-Arma në gojë

    Mjet presion që zhvillohej shpesh gjatë hetuesisë. I pandehuri kërcënohej se do vritej nëse nuk tregonte.

    20-Tentativë për çnderim të vajzës

    I bëhej drejtpërdrejtë  personit të pandehur ose shërbente si mjet presioni ndaj tij, kur i sillnin një femër të familjes si gruan, vajzën, etj.

    21-Djegia e organeve seksuale

    Përdorej djegia me benzinë, e provuar ndaj Alfred Ashikut nga oficeri Cole Bashari.

    22-Rrahja me kamxhik

    Përdorej me kamxhikët e kafshëve. Kamxhiku i lëshohej në qafë të pandehurit në formën e një gjarpri që mblidhet shpejt rreth një peme. Por përdorimi i kamxhikut përdorej edhe si rrahje e drejtpërdrejtë në vend të drurit. Pasojat ishin të mëdha si, dëmtim i mishit, i enëve të gjakut, etj.

    23-Lëshimi i pikës së ujit në kokë

    I pandehuri lidhej në një tavolinë dhe nga tavani i lëshonin periodikisht pika të forta uji që binin rëndë në kokë.

    24-Vendosja e mangallit në vapën e gushtit

    I futej në qeli të pandehurit në kulmin e vapës, në temperatura të larta të verës (dëshmi e Xhevat Xhafës). Kjo lloj torture i shkaktonte të burgosurit një siklet të madh, djersë pa fund e dobësim të mëtejshëm.

    25-Lënia në këmbë

    Përdorej për të lodhur e sëmurë të pandehurit. Shkaktonte sëmundjet e kockave, mesit, etj.

    26-Lënia për të fjetur mbi çimento

    Përdorej në hetuesi dhe në biruca gjatë vuajtjes së masës disiplinore.

    27-Shkaktimi i etjes dhe mbushja e gojës me kripë

    Përdorur nga hetues Irakli Kocani.

    28-Lidhja me hekura në mur e lënia për disa ditë ashtu

    Është përdorur nëpër qeli ndaj të paraburgosurve. Ka shkaktuar dhimbje kockash e organesh të brendshme.

    29-Detyrimi për të kënduar natën

    Vendosej muzika për të zhdukur zhurmat ose shumë të pandehur detyroheshin të këndonin natën.

    “Detyroheshin të këndonin si gjela dhe të kakarisnin si pula, siç i është bërë Islam Radovickës, nga Sigurimi i ushtrisë”.

    30-Futja në biruca të errëta

    Dëshmi: “Futnin nëpër biruca të errëta nga një njeri dhe në mesin e natës një tjetër ishte porositur të bënte si qen, të ulërinte dhe të kafshonte të burgosurin tjetër”.

    31-Lyerja me marmelatë

    Dëshmi: “Janë lyer me marmelatë në sy, veshë e hundë dhe kanë vënë një tjetër për t’i lëpirë”.

    32-Shurdhimi

    Vënia në stres të përgjithshëm, duke shkaktuar zhurma të pandërprera. Kjo torturë është provuar e kryer në burgun e Burrelit.

    33-Përdorja e tymit brenda qelive

    Shkaktohej nga djegia e materialeve të ndryshme e futja e tymit të tyre nëpër qeli. Provuar e kryer në burgun e Burrelit.

    34-Futja në arkivol

    Mjet presioni për të pranuar procesverbalin e hetuesisë. I pandehuri mbyllej brenda arkivolit për disa minuta ose orë, duke i krijuar përshtypjen e vdekjes.

    35-Goditja me pëllëmbë e me shqelma

    Ka qenë tortura më e përhapur dhe fillestare. Ajo ushtrohej nga hetuesit si fazë e parë e torturës psikologjike. Hetuesi e përdorte për të thyer të pandehurit e dobët, në mënyrë që të pranonin sa më shpejt procesin.

    36-Hedhja nga lartësia

    Torturë e përdorur shpesh në hetuesi, sidomos ndaj moshave të thyera. Shpesh herë prej kësaj torture, të proceduarit kanë vdekur.

  • Elon Musk gjithnjë e më i pasur, është i katërti në botë

    Elon Musk gjithnjë e më i pasur, është i katërti në botë

    Tesla fluturon në Wall Street dhe Ceo i saj ekzaltohet: tani Elon Musk tani ka një pasuri në vlerë neto prej 84.8 miliardë dollarësh sipas Bloomberg Billionaires Index

    Bloomberg Billionaires Index, indeksi që regjistron 500 njerëzit më të pasur në botë dhe të gjitha ndryshimet në pasurinë e tyre në krahasim me një vit më parë, ka një yll të ri: është Elon Musk, bosi i Teslas, i cili ka kërcyer në vendin e katërt në klasifikim sipërmarrësin francez Bernard Arnault (atë të Louis Vuitton dhe Christian Dior, për t’u kuptuar).

    Arnault ka sot një pasuri që vlerësohet 84.6 miliardë dollarë, ndërsa Musk e parakalon për një qime floku (nëse qime mund të quhen 200 milionë dollarë): 84.8 miliardë. Në krahasim me vitin e kaluar, pasuria e Musk u rrit me 7.78 miliardë, rritja më e madhe e të gjithë Bloomberg Billionaires Index 2020. Si ia arriti? Falë rritjes në bursë të aksioneve Tesla, natyrisht.

    TESLA VRAPON

    Historia më e fundit e vlerës së Teslës në bursë është emblematike dhe tregon rrugën e marrë tanimë nga industria e re globale e automobilave, ajo e orientuar gjithnjë e më shumë për të kënaqur së pari nevojat “tech” së drejtuesve të makinave dhe pastaj të tjerat.

    Vlera e aksioneve Tesla është rritur 339% këtë vit dhe, këto ditë, i ka tejkaluar 1800 dollarët. Ka bërë zhurmë të madhe javët e shkuara lajmi që Tesla tani vlen në bursë më shumë se Toyota, më shumë se Volkswagen, më shumë se General Motors dhe më shumë se çdo kompani tjetër automobilistike globale. Për ata që merren me makina dhe jo me financë edhe vetëm kjo është një gjë e çuditshme për t’u kuptuar.

    Akoma më shumë është fakti që një pjesë e mirë e rritjes së vlerës së aksioneve të Tesla varet nga fakti se kompania ka të ngjarë të hyjë në indeksin S&P 500 të Wall Street, domethënë në atë që bashkon 500 ndërmarrjet më të kapitalizuara amerikane. Perspektiva për t’u anëtarësuar në klubin financiar, pra, ka rritur edhe vlerën e Tesla dhe kjo po e ndihmon atë të futet në këtë klub.

    TESLA SHET

    Duhet thënë, megjithatë, se nuk ka vetëm financa pas momentit aktual pozitiv të Teslës dhe Elon Musk. Përveç të menduarit për bursën dhe për krijimin e telashe në Twitter, në fakt, sipërmarrësi afrkanojugor i natyralizuar amerikan, në 12 muajt e fundit ka treguar se ai mund të ndërtojë makina elektrike dhe të dijë t’i shesë ato.

    Teksa të gjithë prodhuesit e makinave u gjunjëzuan, gjatë lockdownit, Tesla rritej: në gjashtë muajt e parë të vitit 2020, nëse të dhënat e bazës së të dhënave globale EV Volumes janë të sakta, 28% e makinave elektrike të shitura në të gjithë botën ishin makina Tesla.

    Kompania e Musk, në fakt, e mbylli gjysmën e parë të 2020-ës me 179.050 makina të shitura, kundrejt 65.521 të Aleancës Renault-Nissan-Mitsubishi dhe 64.542 makina elektrike të grupit Volkswagen. Ndjekin kinezët e BYD (46.554 makina elektrike) dhe Koreane e Hyundai-Kia (43.683 EVS të shitura). Të dhëna që, veç të tjerash, përfshijnë edhe rënien e fundit të shitjeve të Tesla në Evropë, ku konkurrenca tani është tejet e ashpër.

    TESLA FLUTURON

    Por, nëse Tesla vlen kaq shumë, kjo nuk është vetëm për shkak të makinave elektrike që shet sot. Ajo që bën t’u shkëlqejnë sytë e investitorëve, në fakt është portofoli i konsiderueshëm i patentave të prodhuara nga grupi i shkencëtarëve Tesla i Halifax, në Kanada, i drejtuar që nga viti 2016 prej profesorit të Fizikës së Dalhousie University, Jeff Dahn.

    Kontrata e Dahn skadon në vitin 2021 dhe profesori po bën gjithçka për ta rinovuar atë. Pas blerjes së Maxwell Technologies vitin e kaluar, Tesla bëri një hap të madh teknologjik përpara dhe Dahn sapo ka botuar (më 10 gusht në revistën Nature) një paper të ri mbi qelizat e baterive litium-metalike pa anoda, të cilat kanë një densitet energjie shumë të lartë dhe kushtojnë pak, por që kanë edhe huqin e keq për të marrë zjarr dhe shpërthejnë.

    Por, nga botimi në Nature, duket se Tesla po gjen mënyrën e zgjidhjes së këtyre problemeve. Vetë Dahn thotë se këto zbulime mund të çojnë tek një produkt i ri: aeroplani elektrik Tesla.

  • Winslow, macja që i bie pianos për të lajmëruar shoqen e saj njerëzore se dëshiron ushqim

    Winslow, macja që i bie pianos për të lajmëruar shoqen e saj njerëzore se dëshiron ushqim

    Winslow është një mace shtatë vjeçare që jeton në Filadelfia me shokët e saj njerëzorë. Karakteristika e Winslow është se kur është i uritur nuk mjaullit si të gjithë macet e tjera, por i bie pianos.

    Kate Nyx dhe burri i saj e adoptuan Winslow kur ishte vetëm tetë javëshe. Koteleja e shkretë ishte në gjendje të keqe, e mbuluar me pisllëk, nuk hante ushqim të thatë dhe kishte një zile të keqe. Winslow vraponte përreth shtëpisë duke bërtitur tërë kohën.

    Pastaj erdhi pianoja që Kate kishte blerë në eBay që kur ishte në lice. “Filloi të tregojë interes për pianon që e vogël, duke shtypur notat dhe duke kërkuar nën të, në përpjekje për të zbulojë se nga vinin”, tregon ajo.

    Shumë shpejt, instrumenti bë për Winslow një mënyrë për t’u shprehur, për të tërhequr vëmendje, për të pasur gjërat e saj, etj.

     “Është sistemi i tij i përgjithshëm i alarmit. Ka mësuar kur unë e inkurajoj të lëvizë putrat lart e poshtë tastierës, kështu që e bën kur dëshiron me të vërtetë diçka”, vazhdon Kate.

    Problemi është se Winslow, nuk luan piano vetëm kur është e uritur, por sa herë që dëshiron ushqim.

    “Është bërë një lloj shpërblimi, sepse në apartament nuk ka shumë për të bërë për të. Priret të luajë vetëm kur ne jemi në kuzhinë dhe e di që ka mundësi që ne të kemi ndonjë meze të lehtë. Ishte një kotele e trazuar dhe u transformua në një zotëri kaotik ”.

    Lajm fantastik është se Winslow ka publikuar single-in e saj të parë, Bean Gotta Scream. Kënga doli në streaming dhe shfaq aftësitë pianistike të Winslow me mjaullitjet e saj qetësuese.

  • Peshkaqeni i bardhë “fluturon” 4.5 metra në ajër, duke vendosur një rekord mbresëlënës

    Peshkaqeni i bardhë “fluturon” 4.5 metra në ajër, duke vendosur një rekord mbresëlënës

    Peshkaqeni i madh i bardhë (emri shkencor carcharodon carcharias) është peshku më i madh grabitqar në Tokë. Kohët e fundit, në internet janë shpërndarë imazhe mbresëlënëse që tregojnë momentin kur një ekzemplar i kësaj krijese të frikshme “fluturon” 4 metra e gjysmë në ajër, duke vendosur rekordin për lartësinë më të madhe të parë ndonjëherë për këtë kafshë.

    Imazhet janë bërë me rastin e eventit Air Jaws: Ultimate Breach, si pjesë e Shark Week të Discovery Channel, që ka mblodhur ekspertë të ndryshëm të këtyre peshqve për të provuar të marrin fotografinë më të mirë të kërcimit të një peshkaqeni. Disa pjesëmarrës përdorën drone, të tjerë zgjodhën të fotografonin natën, për një efekt më dramatik.

    Ndërsa eksperti i peshkaqenëve Chris Fallows, nga ana e tij, përdori një “tow camera”, një prej atyre kamerave të instaluara nëpër konstruksione metalike që manovrohen nga një krah mekanik i një anijeje. Dhe pikërisht imazhet e tij ngjallën entuziazmin e spektatorëve.

    “Thonë se një foto vlen njëmijë fjalë. Mirë pra, ai imazh vlen më shumë se njëmijë hedhje. Nuk mund ta besoj sa lart u hodh, ishte thjesht perfekt… një foto ëndrrash”, tha Fallows.

    Jeff Kurr, regjisori i Air Jaws: Ultimate Breach, ka thënë, “Chris ka bërë të pavdekshme disa kërcime të pabesueshme. Një nga kërcimet është ndoshta më i miri që kam parë ndonjëherë”.

    Duke folur për ngjarjen, e cila për herë të parë mori jetë në vitin 2001, Kurr shtoi: “Ky edicion i Jaws Air, më shumë se të tjerët, ka një mesazh të fortë: duhet të bëjmë diçka për të mbrojtur këto peshkaqenë të mëdhenj të bardhë, sepse janë në prag të asgjësimit” .

  • Çfarë thuhet për kandidaturën e Kamala Harris

    Çfarë thuhet për kandidaturën e Kamala Harris

    Për Biden ishte një zgjedhje historike dhe njëkohësisht e sigurtë, dhe kjo tregon sesi ka ndryshuar politika amerikane

    Vendimi i Joe Biden për të zgjedhur senatoren Kamala Harris si kandidate për zëvendëspresidente të SHBA është përshkruar pak a shumë kudo si historike dhe njëkohësisht më pak e rrezikshmja. Për Partinë Demokratike të Shteteve të Bashkuara të vitit 2020, në fakt, zgjedhja e një gruaje jo të bardhë, e para që ka kandiduar ndonjëherë për njërin nga dy pozicionet më të rëndësishme të politikës amerikane, nuk gjykohet si një lëvizje e guximshme, por si një lëvizje që mund të pajtojë sa më shumë bazën e partisë së tij, duke iu përgjigjur kërkesave për përfaqësim të identiteteve dhe ndjeshmërive të ndryshme politike që janë bërë qendrore në politikën amerikane.

    Por Harris, mes kandidatëve që deri në fund u përmendën si favorite, si senatorja Elizabeth Warren dhe ish këshilltarja e Sigurisë Kombëtare, Susan Rice, mund të kompletojë kandidaturën e Bidenit edhe për aspekte që nuk kanë lidhje me çështjet identitare dhe racore. Është shumë më e re se Biden, i cili nga ana tjetër është shumë i vjetër për të qenë kandidat për president; dhe vjen nga West Side, ndërsa Biden vjen nga Delaware. E mbi të gjitha, ishte zgjedhja më pak e diskutueshme, dhe për këtë arësye përmbushte kërkesën kryesore për një kandidat për zëvendëspresident: të mos dëmtojë presidentin, siç ka shkruar Dan Balz në Washington Post.

    Shpesh, në narracionin politik, rëndësia e kandidatëve për zëvendëspresidentë në të vërtetë mbivlerësohet: studiuesit e politikës amerikane pajtohen në faktin që jo vetëm nuk janë kurrë zëvendësit ata që fitojnë zgjedhjet, por pothuajse asnjëherë nuk kanë një ndikim të vërtetë në rezultatin zgjedhor. Kjo kjo ka vlerë veçanërisht pozitive: rrallë, dhe kurrë kohët e fundit, ata kanë kontribuar në mënyrë domethënëse në fitoret e kandidatëve kryesorë; por ka ndodhi në fakt që të kenë dëmtuan mjaftueshëm rëndë fushatat e tyre elektorale. Një nga shembujt më të famshëm është Sarah Palin, e kritikuara kandidate si zëvëndëse e John McCain: që megjithatë, edhe pse rezultoi të ishte një zgjedhje shumë e keqe, nuk ishte aspak vendimtare në humbjen e tij.

    Por, edhe pse shpesh zgjedhjet e zëvendësve për këtë arsye janë të kujdesshme, ato sërisht mund të përdoren për të dhënë impuls, entuziazëm dhe identitet në një fushatë elektorale, duke pasuruar propozimin me kandidatë që janë komplementarë dhe të ndryshëm nga kryesori. Si në rastin e Harris dhe Biden.

    Harris është 55 vjeç, vajza e një endokrinologeje që emigroi nga India dhe një profesori të ekonomisë që emigroi nga Xhamajka, ka qenë gjatë prokurore pari për San Franciskon dhe më pas për Kaliforninë, dhe që nga viti 2016 është senatore. Politikisht e konsideruar një moderatore pragmatiste, si Biden, me të cilin gjithashtu ndan edhe lidhje të ngushta me estabilishmentin e Partisë Demokratike. Ashtu si Biden në mos më shumë që vjen nga një shtet progresist si Kalifornia, ajo është një politikane shumë më e majtë sesa një demokrate e moderuar e dhjetë ose njëzet vjet më parë. Shkurt, ajo pasoi atë që ka qenë një trend i madh gjatë viteve të fundit në parti, e ndikuar nga liderë si Bernie Sanders dhe Warren. Por nuk është një politikane radikale, dhe për këtë arsye është më e mbrojtur nga sulmet e republikanëve, të cilët deri më tani kanë insistuar shumë në sulmet ndaj figurave të majta të demokratëve si Sanders apo Alexandria Ocasio-Cortez.

    E kaluara e saj si prokurore e përgjithshme në fakt është kritikuar dhe sulmuar shpesh nga e majta: pavarësisht qëndrimeve të saj që atëherë progresiste për shumë çështje, Harris është akuzuar se ka penguar apo se nuk ka mbështetur sa duhet reformat për çështje të tilla si policia dhe dënimet për shpërndarjen e drogës dhe për kontributin në disa dënime të cilat më vonë u vërtetuan të padrejta. Por në të njëjtën kohë, kjo e kaluar – që e ka bërë të marrë pseudonimin poshtërues të “polices” në të majtë – mund ta bëjë më tërheqëse për elektoratin centrist dhe republikan, historikisht të ndjeshëm ndaj çështjeve të rendit dhe sigurisë. Disa analistë kanë theksuar se, në një politikë ende maskiliste, një karrierë si magjistrate është një nga mënyrat më të mira për një grua politikane për të fituar autoritet dhe besueshmëri.

    Siç shkruan New York Times, zgjedhja e Harris konfirmon faktin se në zgjedhjen e zëvendëspresidentit aspektet identitare janë bërë shumë më të rëndësishme sesa ato politiko-gjeografike. Në të shkuarën, në fakt, zëvendësat janë zgjodhur edhe mbi bazën e origjinës dhe veprimtarisë së tyre politike për të siguruar fitoren në ndonjë shtet të ekuilibruar: por Harris vjen nga Kalifornia, një nga shtetet më thellësisht demokratë në Amerikë.

    Por nuk është një zgjedhje e rrezikshme: historia e kohëve të fundit ka treguar që thuajse asnjëherë kandidatët për zëvendëspresidentë nuk janë vendimtarë për fitoren në shtetet e tyre. Në 2004, John Kerry humbi në Karolinën e Veriut, në vendin e zëvendësit të tij John Edvard; në vitin 2012, Mitt Romney humbi në Wisconsin, nga vinte Paul Ryan. Në vitin 1996, Jack Kemp nuk i mjaftoi republikanit Bob Dole për të fituar në New York dhe në vitin 2000 Al Gore humbi madje në shtetin e tij, Tenesi. Sipas Patrick Murray, drejtor i Monmouth University Polling Institute, zëndëspresidenti i fundit që ka siguruar fitoren në ndonjë shtet ishte Lyndon Johnson me Texasin më 1960.

    Origjina e Harris që ka rëndësi nuk është ajo kaliforniane, por indiane dhe xhamajkane (rrjedhimisht afrikane, andej nga nga kanë ardhur skllevërit e zinj të dëbuar për në Karaibe). Partia Demokratike nuk bëri shumë presion mbi Bidenin për të zgjedhur një kandidate jo të bardhë, por ndjeshmëria amerikane ndaj çështjeve racore, dhe veçanërisht mes demokratëve, e bënë zgjedhjen e një kandidati të bardhë të vështirë për t’ia shpjeguar zgjedhësve të tyre. Elektorati afroamerikan – dhe veçanërisht gratë afroamerikane – konsiderohet segmenti demografik më i rëndësishëm për demokratët dhe për Biden, kandidat i bardhë që, ndryshe nga Hillary Clinton, është shumë i popullarizuar midis pakicave.

    Përzgjedhja e Harris ishte pra një njohje e rëndësisë së votuesve afroamerikanë, të cilët mund të jenë vendimtarë në zgjedhjet e nëntorit, kanë shkruar Jonathan Martin dhe Astead W. Herndon në New York Times . Nuk do të jetë vetëm kjo e mjaftueshme, por një tjetër zgjedhje do të kompromentonte mbështetjen e minoriteteve, që Klintonit faktikisht i mungoi në një pjesë vendimtare në shtetet që përcaktuan humbjen e tij.

    Një argument i ngjashëm vlen edhe për çështjen gjinore: shumica e elektoratit të Partisë Demokratike janë gra, dhe zgjedhja e një zëvendësi mashkull për një kandidat mashkull do të ishte jo e mirëpritur në bazën e partisë. Jo rastësisht, menjëherë pasi mori nominimin Biden pati thënë se do të zgjidhte një grua si zëvendëse. Sipas Perry Bacon të FiveThirtyEight, është shumë e pamundur që në të ardhmen të ketë më një ticket demokrat, i përbërë prej dy meshkujsh të bardhë, apo ndoshta nga dy persona të bardhë në përgjithësi.

    Përtej çështjeve etnike dhe gjinore, shumë e rëndësishme është edhe mosha. Bideni është gati 78 vjeç, dhe nëse do të fitonte zgjedhjet, do të ishte presidenti më i vjetër i Shteteve të Bashkuara. Shumë e vënë në dyshim mundësinë që, nëse rast fitoreje, ai mund të rikandidojë për një mandat të dytë në moshën 81 vjeçare: dhe në këtë rast, me përjashtim të surprizave të mundshme, Harris do të ishte kandidatja e favorizuar demokratike për ta atë. Në rast të kësaj hipoteze, katër vjet si zëvendëse do t’i jepnin një shtytje të madhe karrierës së Harris, për sa i përket autoritetit dhe përvojës. Dhe edhe për këtë arsye, zgjedhja e Harris plotëson kërkesën e rëndësishme: një zëvendëspresidente që të jetë “presidenciale”, domethënë, e besueshëm si presidente.

    Deri më tani Trump dhe republikanët kanë pasur një farë vështirësie për të sulmuar Biden, duke çaluar në evidentimin dhe goditjen e dobësive të tij. Për këtë Harris mund të bëhet një objektiv i Trump, megjithëse për momentin nuk është e qartë se si. Duke iu përgjigjur një pyetjeje menjëherë pas njoftimit të Bidenit, Trump tha se Harris ishte “zgjedhja e tij numër një”, duke sugjeruar se është një kundërshtar që di të përballet dhe ta diskreditojë. Duke ecur më tej, megjithatë, ai ka qenë mjaft i paqartë në kritikat e tij ndaj Harris, duke u përpjekur ta përshkruajë si një kandidate radikal për çështje të tilla si taksat, shëndetin dhe sigurinë: akuza që nuk janë shumë të besueshme, ashtu si nuk kanë qenë deri më tani ndaj Biden.

    Përgatiti Dardan MITROVICA

  • Kamala Harris zëvendëse: Biden dorëzohet para politically correct

    Kamala Harris zëvendëse: Biden dorëzohet para politically correct

    Çfarë mund të bënte kandidati demokrat në zgjedhjet e rradhës presidenciale Joe Biden për të maksimizuar mbështetjen e manifestimeve anti-raciste të Black Lives Matter? Zgjedhjen më të thjeshtë dhe njëkohësisht më të natyrshme në botë: të zgjidhte si zëvendëse senatoren e Kalifornisë, Kamala Harris, gruan e parë afro-amerikane kandidate për zëvendëspresidencën e Shteteve të Bashkuara.

    Zgjedhje e parashikueshme që e bën Bidenin t’i shkelë syrin krahut më “liberal” të Partisë Demokratike, edhe pse – dhe ky është një rrezik i madh – ajo vjen nga një shtet ultra progresist si Kalifornia, tradicionalisht “jo në ekuilibër” (swing states) që, pa shumë befasi, do të votojnë masivisht për Joe Biden në nëntor.

    Ekziston, sidoqoftë, dyshimi se Kamala Harris nuk u zgjodh për kompetencën apo popullaritetin e saj: nuk mund të harrohet në fakt fushata e saj e dështuar në primaret e fundit të dem (Democratic Party) që detyruan senatoren të tërhiqte kandidaturën e saj presidenciale në 3 dhjetor 2019.

    Zgjedhja e detyruar e Joe Biden

    “Jemi në një betejë për shpirtin e këtij kombi. Por është një betejë që së bashku mund ta fitojmë”, ka tuituar orët e kaluara neo kandidatja për zëvendëspresidencën. Por, dyshimi, më shumë se i ligjshëm, është se Kamala Harris u zgjodh për një çështje identitare dhe racore: ndryshe pse të mos zgjudhej shumë më popullorja dhe agresivja Elizabeth Warren, nëse vërtetë kërkohej një grua?

    Harris ka lindur në Oakland, me nënën indo-amerikane që emigroi nga Chennai dhe babain me prejardhje xhamajkane: pikërisht këtu është edhe përgjigjja, tek origjina e saj. Asgjë për t’u kundërshtuar në kurrikulumin e saj të lakmueshëm, por në këtë rast kemi të bëjmë me ngjyrën e lëkurës, ajo që ka më shumë rëndësi dhe kjo është arsyeja pse ajo u zgjodh nga Biden.

    Jo aftësia, jo konsensusi: shkoi ekzaktësisht ashtu siç duhej të shkonte, sipas skemave të paravendosura të politically correct. Ajo është gruaja me ngjyrë me origjinë aziatike kundër mashkullit të bardhë Donald Trump dhe konservatorëve, ashtu siç kërkohet nga politika e identiteti. Programi dhe gjithçka tjetër kalojnë në plan të dytë.

    Çfarë duhet ditur për Kamala Harris

    Para së gjithash, për dem profili i Kamala Harris është perfekt: ajo është gruaja e parë me ngjyrë që u zgjodh prokurore distriktuale në historinë e Kalifornisë, gruaja e parë që u bë prokurore e përgjithshme e Shtetit, senatorja e parë indiano-amerikane dhe tani, gruaja e parë afro-amerikane që zgjidhet si kandidate për zëvendëspresidente.

    Siç risjell në kujtesë Politico, Kamala Devi Harris lindi në Oakland të Kalifornisë më 20 tetor 1964, më e madhja e dy fëmijëve të lindur nga Shyamala Gopalan, një shkencëtare indiane dhe Donald Harris, një ekonomist me prejardhje nga Xhamajka. Prindërit e saj u takuan në Berkeley teksa studionin dhe u bashkuan në një pasion të përbashkët, për lëvizjen e të drejtave civile, e cila ishte aktive në kampus.

    Ajo e ka vizitoi Indinë si fëmijë dhe është ndikuar shumë nga gjyshi i saj, një zyrtar i lartë qeveritar që ka luftuar për pavarësinë e Indisë, dhe gjyshja e saj, një aktiviste që ka udhëtuar nëpër fshatra duke u mësuar grave të varfra për kontrollin e lindjeve.

    Harris ndoqi shkollën e mesme dhe atë superiore në Montreal pasi nëna e saj filloi punë si mësuese në McGill University dhe një pozicion si studiuese në Jewish General Hospital. Pas liceut, Kamala Harris ndoqi Howard University, ku u diplomua në shkenca politike dhe ekonomi, duke u bashkuar me vëllazërinë Alpha Kappa Alpha.

    Në 1994, Harris filloi të takohej me Willie Brown, kryebashkiakun e ardhshëm të San Franciskos, i cili e emëroi atë në California Unemployment Insurance Appeals Board dhe në Medical Assistance Commission, duke e bërë të fitonte rreth 80,000 dollarë në vit mbi pagën e saj të prokurores.

    Sipas disa kritikëve, raporton Politico, si prokurore e Kalifornisë ajo ka bërë aq sa duhet kundër brutalitetit të policisë, veçanërisht pasi refuzoi të hetojë për goditjet nga policia të dy burrave me ngjyrë në vitet 2014 dhe 2015.

    Gjithashtu, ajo nuk mbështeti një projekt-ligj të vitit 2015 në asamblenë shtetërore që kishte kërkuar nga prokurorja i përgjithshëm të caktonte një prokuror special të specializuar në përdorimin e forcës vdekjeprurëse nga policia.

    Përgatiti Dardan MITROVICA

  • Ja pse The Rock është më i paguari i Instagramit

    Ja pse The Rock është më i paguari i Instagramit

    Aktori dhe ish wrestler Dwayne Johnson ka 190 milion follower dhe fiton deri në 890,000 € për post. 7 arsye që shpjegojnë shifrat e tij rekord

    Në renditjen e re të yjeve më të paguar në Instagram në vitin 2020, “The Rock”, ish- wrestler dhe aktori Dwayne Johnson, ka tejkaluar mbretëreshën Kylie Jenner.

    Bazuar në dhjetëshen më të mirë të hartuar nga agjensia e marketingut Hopper HQ, me 190 milion ndjekës, ai fiton deri në 890,000 € për një post të vetëm.

    Promovon në mediat sociale markën e tij Teremana tequila dhe është imazh i markave të tilla si Under Armor dhe Apple.

    Dwayne “The Rock” Johnson është ndër më të paguarit edhe në Hollywood. Sipas Forbes, në fakt, ai fiton deri në 20 milion dollarë në film dhe ndër ata më fitimprurësit janë Black Adam dhe Red Notice.

    The Rock, është një pseudonim që përfshin si fizikun, ashtu edhe qëndrimin e tij. Si wrestler ka ndjekur traditën familjare të filluar nga gjyshi dhe të bartur nga babai i tij.

    Si pseudonim, faktikisht ka huazuar emrin e babait të tij në ring, Rocky Johnson.

    Në vitin 2000, paraqitja e tij në Saturday Night Live tërhoqi vëmendjen e drejtuesve të Universal, të cilët i dhanë një rol në The Mummy Returns më 2001. Prej aty, më shumë se një aktor, Dwayne Johnson u bë një biznes.

    The Rock kalon orë të tëra në palestër, të dokumentuara me foto dhe video në Instagram. Dhe, për dikë që ka ndërtuar imazhin e tij tek fiziku i tij ekstra muskulor, shpërndarja e stërvitjes mund të gjenerojë vetëm trafik dhe ndjekës nëpër media sociale.

    “Objektivi numër një është krijimi i gjërave për botën”, ka thënë Johnson në një intervistë për Forbes. Por pse faqja e tij në Instagram është një makinë parash dhe një strategji shumë e suksesshme e komunikimit shoqëror? Le të përpiqemi të përmbledhim arsyet.

    – Rock publikon video frymëzuese ku ai flet direkt me iPhone-in e tij, shpesh nga palestra e tij shëtitëse.

    – Bën filma që ia shtojnë paratë me thasë, merr pjesë nëpër seri, programe tv si The Titan Games dhe ka kapsula collection që funksionojnë shumë mirë si Under Armor line Project Rock i tij që shet rroba, këpucë dhe kufje.

    – Shumë postime prezantojnë trailerat e filmave, që tregojnë Johnson nëpër takime zhvillimore dhe celebrojnë pancake “cheat day”-n e tij, gjithçka e mbërthyer midis hashtagëve dhe shumë pëlqimeve: është një miks i punës dhe jetës së përditshme që pëlqejnë fansat.

    – Siç çfarë tregohet nga Forbes, Johnson merr një fee ad hoc për promovimin e filmave në Instagram. Me fjalë të tjera, në vend që studiot të derdhin para për reklama televizive apo tabela, profili i tij social është një kanal i drejtpërdrejtë për t’u përqendruar për investime dhe marketing. “Media sociale është bërë elementi më kritik i marketingut të një filmi për mua. Kam arritur të kem një lloj peshe në mediat sociale me publik në mbarë botën dhe ajo që u ofroj atyre ka vlerë”. Me pak fjalë, prej faktit se ka kuptuar që kanalet e mediave sociale janë platforma të ndara e që kërkojnë komisione të ndara, Johnson i ka hapur rrugën një mënyrë të re të të bërit biznes dhe rrit të ardhurat e filmave në të cilët ai është protagonist.

    – The Rock e di çfarë i pëlqen fansave të tij. “E kaluara ime në wrestling më ka bërë të kuptoj vlerën e lidhjes reale me një publik. I pari duhet të jetë publiku, çfarë do ai dhe cili është skenari më i mirë që ne mund të krijojmë për t’i kthyer në shtëpi të lumtur”. Ndoshta mund të mos e fitojë një Oskar, por do të vazhdojë të fusë miliarda në xhep.

    – The Rock është një figurë e gjithanshme. Nuk frikëson, përkundrazi, është një baba dhe burrë shumë i ëmbël. Ndan momente të jetës së përditshme që më pas na inkurajon ta ndjekim edhe në filma dhe seriale në ekranin e madh dhe të vogël. Ka shumë ironi dhe di si ta shndërrojë trupin e tij monstruoz në një “arushstërmadh që të përqafon”.

    – Ushtrimet e tij në palestër që fillojnë në orën 5 të mëngjesit janë një shembull motivimi, zelli dhe këmbënguljeje.

  • Është nga Mongolia, me këmbë ndër më të gjatat në botë

    Është nga Mongolia, me këmbë ndër më të gjatat në botë

    Kjo vajzë me origjinë mongole ka një tipar shumë të veçantë: këmbët e gjata, shumë të gjata! Emri i saj është Rentsenkhorloo Bud, jeton në Shtetet e Bashkuara dhe është pabesueshmërisht e gjatë, plot 2.06 metra dhe me këmbët 132.5 cm renditet mes grave me këmbët më të gjata në botë! Pasi të kemi hedhur një sy në profilin e saj në Instagram, kemi përzgjedhur për ju disa foto që flasin për bukurinë e saj jo të zakonshme!

    Ren ose Renny, siç e quajnë miqtë, ka jetuar një fëmijëri paksa të veçantë për shkak të këmbëve të gjata, madje edhe sot, pavarësisht se ka fituar besim tek vetvetja, duhet të përballet me disa probleme praktike jo dhe aq të parëndësishme, siç janë gjetja e fundeve dhe pantallona të përshtatshme për masat e saj të jashtëzakonshme.