Blog

  • Makina e policisë më e shpejtë në botë

    Makina e policisë më e shpejtë në botë

    Bugatti Veyron, në përdorim nga forcat e policisë në Dubai, që theu rekordin e Lamborghini Gallardo të policëve italianë. Veyron arrin 408 kilometra në orë (karshi 325 km/orë të Gallardos) dhe shkon nga 0 në 100 metra në dy sekonda e gjysmë. Në flotën e makinave të përdorur nga agjentët e Emirateve Arabe gjithashtu është gjithashtu edhe një ekzemplar shumë i rralë Aston Martin one-77, një Ferrari FF dhe një Lamborghini Aventador. Modeli luksoz i shtëpisë Bugatti e ka marrë emrin nga piloti francez Pierre Veyron, fitues në 1939 i 24 orëshit të Le Mans. Çmimi i mjetit? Një milion e gjysmë euro.

  • Deputetët mazokistë të opozitës që “duan” President

    Deputetët mazokistë të opozitës që “duan” President

    Çdo deputet i opozitës që vazhdon e merr pjesë në konferencën e kryeatarëve për të diskutuar zgjedhjen e presidentit të ri të republikës, bën as më pak, as më shumë sesa rolin e një bufoni. Sado propozime që të japin, sado gjëra racionale të duken sikur thonë në formë, sado sfida për mungesën e legjitimitetit të kësaj mazhorance të bëjnë, sërish ata duken qesharakë.

    Në thelb edhe Alibeaj edhe Mediu edhe Duma edhe Gjekmarkaj edhe Tabaku që folën sot gjatë mbledhjes që u transmetua live në të gjitha TV informativë nuk thonin gjëra pa sens. Eshtë normale që nëse kërkon të ketë një kryetar shteti konsensual, ai që ka shumicën e votave t’ia lërë propozimin pakicës. Eshtë gjithashtu logjike që po të duash të ndjekësh këtë rrugë, të pranosh që në tre raundet e para pakica të dalë me një emër dhe në seancat parlamentare të votohet kandidatura e propozuar prej saj.

    Por ama edhe të gjithë së bashku edhe veç e veç ata që thoshin këto mendime normale nuk dukeshin aspak seriozë, sepse angazhimi i tyre qe i njëjtë me atë të një çilimiu që do ti ndryshojë mendjen një bande që është nisur të bëjë një mëkat.

    Ata dukej sikur talleshin me veten e tyre teksa rrinin e dëgjonin Taulant Ballën tu thoshte se PS po u bënte koncesionin maksimal duke i caktuar datat e raundeve në skaj të afateve ligjore. Ata spiropalizoheshin duke dialoguar me Elisën që u thoshte qenë të përçarë ndaj nuk ishin në gjendje të sillnin dot emra.  Ata poshtëroheshin kur Lindita Nikolla kthehej në zanatin e vjetër të zyshës, që kur nuk ka përgjigje për pyetjen e një nxënësi, mbyll para kohe orën e mësimit.

    Të gjitha këto ndodhin për një arsye të thjeshtë: sepse mazhoranca e ka ndarë mendjen që do e zgjedhë me votat e veta pesidentin dhe do të peshkojë ndonjë idiot të dobishëm që të hiqet sikur ka ngritur proces.

    Këtë e ka treguar Balla kur bën sikur mërzitet se i kanë hequr PS të drejtën e propozimeve, kur këtë idiotsi se beson askush sepse të gjithë e dinë që rilindja ka numrat për të vendosur e vetme.

    Këtë e ka afishuar në mënyrë arrogante Rama, duke thënë se “ne i kemi votat”, se bëri shumë mirë që i votoi ndryshimet kushtetuese në 2008, që sot të mos kishim sot krizë, apo duke predikuar se nuk do pranonte asnjë president propozimi i të cilit do mbante emrin e Berishës.

    Pra gjithçka është e qartë se kryeministri e ka ndarë mendjen dhe kushdo që merr pjesë në farsën e tij motivohet vetëm nga ndjenja mazokiste e atij që kërkojnë ta tallin me çdo kusht. As pretendimi se ata po marrin pjesë në proces në mënyrë që të ndërgjegjsojnë publikun për manovrat e shëmtuara të shumicës qeveritare nuk qëndron. Sot kujdo, të madhi e të vogli, i kanë mjaftuar 9 vite pushtet të Ramës për të kuptuar se ai do të kapë gjithçka edhe kur nuk i ka votat, e jo më kur ligji ia lejon ta zgjedhë vetë presidentin. Të gjithë e dinë se ai do ta nxjerrë emrin nga mënga në raundin e katërt. Prandaj edhe pjesmarrja në farsë me justifikimin për ta demaskuar atë është një prezence e turpshme. Ç’do deputet i opozitës që vijon e merr pjesë në këtë estradë nuk është më shumë sesa një klloun.

  • 94 vjeçe, Mbretëresha Elizabeth ‘ia hip’ kalit çdo ditë: “Më e fortë se më parë”

    94 vjeçe, Mbretëresha Elizabeth ‘ia hip’ kalit çdo ditë: “Më e fortë se më parë”

    Zërat e Pallatit konfirmojnë se Madhëria e Saj nuk ka ndërmend të bëjë hap prapa. “Po planifikon rikthimin në punë dhe, ndërkohë, përpiqet të bëjë më të mirën gjatë karantinës, nga darkat me Filippon tek ditët majë kalit”

    Laura DANI – “Hipoteza se Mbretëresha Elizabeth mund të mos i kthehet më detyrave të saj si monarke, është thjesht absurde”. Kështu, një zë nga Pallati, në ditët e lockdown, ditë kur thuhet se Madhëria e Saj mund të pezullojë çdo paraqitje publike në të ardhmen, i likuidoi thashethemet. “Mbretëresha po planifikon rikthimin e saj në punë dhe besoj se kur të kthehet e të bëjë gjithnjë atë që i ka interesuar, do ta shohim të punojë më fort se kurrë”, tha për VanityFair Usa një nga ndihmësit e Madhërisë së Saj, duke shpjeguar se si Elizabeth II nuk është ende larg nga pensioni.

    “Nuk mund të shihet si mosbindje nga rregullat qeveritare, por mendoj se është e drejtë të thuhet se mezi pret t’i kthehet normalitetit. Është një çështje delikate, por besoj se, në një moment, në një të ardhme të afërt, do ta shohim të rikthehet e saj bërë takime private dhe duke u marrë me problemet që ka trajtuar gjithmonë”, tha burimi, “Vazhdon të marrë Kutitë e tij të Kuqe nga qeveria dhe të zhvillojë një takim të përjavshëm me Kryeministrin. Nuk ka arsye për të menduar se dëshiron të bëjë një hap prapa. Është duke u marrë plotësisht me detyrat e saj si kryetare shteti”, vazhdoi më tej burimit, duke theksuar se Elizabeth II, edhe pse “e irrituar “nga kjo stanjacion i detyruar, vendosi të shfrytëzojë sa më mirë karantinën.

    Kjo do të thotë, pra, se puna është vetëm një pjesë e ditës së Elizabeth II, që, në kohën e lirë, i përkushtohet edhe pasioneve të saj. “Kalëron çdo ditë dhe kalon kohë me burrin e saj sa më tepër që të jetë e mundur. Madje hanë edhe darkë së bashku dhe unë besoj se Mbretëresha bën pjesë në atë brez që përgatiten mirë para një vakti shtëpiak. Po merr më të mirën e kësaj periudhe”, përfundoi burimi, duke thënë se Madhëria e Saj është e vendosur (edhe) për të ribashkuar familjen mbretërore.

    Pasi humbi, gjatë një viti, tre anëtarë kurorës, Elizabeth II do të donte t’i tregonte Anglisë ribashkimin e familjes së saj. Në ditët e karantinës, pra, po mbështetej shumë tek “zëvendësat”: Charles dhe Camilla, William dhe Kate, Princi Edward dhe gruaja e tij Sophie.

  • Princi Charles dhe “gjesti i mrekullueshëm për Camillën” (gjatë muajit të mjaltit me Dianën)

    Princi Charles dhe “gjesti i mrekullueshëm për Camillën” (gjatë muajit të mjaltit me Dianën)

    Eksperti i çështjeve mbretërore Richard Fitzwilliams tregon se gjatë muajit të mjaltit me Lady D, princi veshi dy binjakët me dopjo C, që lidheshin me emrin e tij dhe atë të gruas së tij aktuale

    Princi Charles me fustanellë dhe çantë, Princesha Diana me një fund të gjatë, varëse dhe xhaketë. Ishte gusht 1981, trashëgimtari i fronit britanik dhe gruaja e tij e re Lady D po kalonin muajin e mjaltit në pronën mbretërore në Balmoral, Skoci. Fotografitë e çiftit të buzëqeshur, të rrethuar nga natyra, kanë bërë xhiron e botës, por, ndoshta – pas kuintave – lidhja po tregonte shenjat e para të krisjes.

    Sipas ekspertit mbretëror Richard Fitzwilliams, në fakt, pikërisht gjatë muajit të mjaltit, Charles bëri një gjest për shoqen e tij historike Camilla që e la të shtangur Dianën: “Në mënyrë të pabesueshme princi veshi binjakët me dopjo C, që simbolizonin saktësisht emrat Charles dhe Camilla”, ka thënë ai duke komentuar dokumentarin “King and Queen in Waiting”. “Ai dhe Diana flisnin shumë pak, ata nuk kishin asgjë të përbashkët”.

    Ndër të tjera, Diana, para dasmës, kishte zbuluar dhuratën e këndshme të Camilla-s për Charles dhe – sipas reporterit Jenny Bond – “u tërbua”: edhe në atë rast ata ishin binjakë, por me shkronjat G dhe F , nofkat e ëmbla që do të thonin Gladys dhe Fred, pseudonimet e dashura që i kishin dhënë njëri-tjetrit. E pavarësisht kësaj, djali i madh i Mbretëreshës Elizabeth dhe e reja Lady D, ranë dakord për dasmën, por menjëherë diçka nuk shkoi si duhet.

    “Diana ishte e tërbuar nga mendimi për Camilla-n dhe, duke ecur poshtë rrugicës së Katedrales së St.Paul, e pa në rreshtat e përparme dhe u trondit”, tregon biografi Sally Bedell Smith në dokumentarin “The Windsor”. “Nga ai moment përqëndrohej vetëm në imazhin e Camillas”, gjatë ceremonisë dhe jo vetëm. Ja pse ai gjest i Charles mund të ketë pasur një ndikim të fortë në ndjenjat e Dianës.

  • Shteti anarkist midis Anglisë dhe Skocisë, historia

    Shteti anarkist midis Anglisë dhe Skocisë, historia

    Quhej Debatable Lands dhe ishin toka kufitare që askush nuk guxonte t’i qeveriste

    Edi DELIU – Ishte një herë një tokë kufitare midis Anglisë dhe Skocisë, jashtëzakonisht e frikshme dhe tërheqëse. Asnjë sundimtar apo mbret nuk ka luftuar ndonjëherë për të sepse, sipas tyre, rajoni kufitar ishte më shumë se i pakontrollueshëm.

    I zbrazët dhe i heshtur, për 300 vjet, ky Vend i përkiste gjithkujt dhe askujt: Debatable Lands, ky është emri i territoreve që po flasim, ku burra pa padronë dhe banditë jetonin në ilegalitet dhe me dinakëri përtej kufirit. Mbretërit e Anglisë dhe Skocisë, pra, vendosën ta linin atë tokë anarkiste në fatin e saj.

    Një herë ka pasur kodra me hije gri dhe jeshile të mbuluara me xunkth e plot bimë dretharake, me shtigje të pjerrëta të mbushura me shkarpa, plot shelgje, lisa dhe pisha që shtriheshin pyjeve të mëdha që shtriheshin përtej horizontit të dukshëm. Askund në botë qielli ishte aq i dendur dhe i zymtë sesa në atë Vend kufitar i cili përfshinte territoret Solway Firth afër Carlisle, Langholm, Dumfries dhe Galloway; ndarja bëhej nga lumenjtë Liddel dhe Esk në lindje dhe lumi Sark në perëndim.

    Sot, për të admiruar natyrën e ëmbël dhe të egër që karakterizon territorin, është e vështirë të imagjinohet se ky peizazh në dukje i qetë rurale ka qenë një nga rajonet më të paligjshme dhe të frikshme të Britanisë së Madhe. Pikërisht në këto toka sot jeta zhvillohet ngadalë midis rritësve të bagëtive dhe të kultivuesve të fushës. Qyteza të vogla si Canonbie dhe Langholm, që tani janë qendra lokale për peshkim dhe shëtitjeje në këmbë nëpër vathat dhe pyjet përqark, të lindur dhe të edukuar nga mbetjet e vendbanimeve familjare të klaneve të Debatable Lands.

    Një vend ende jo shumë i frekuentuar por që ka gjetur ekuilibrin e tij, pa dyshim shumë larg historisë, pak të treguar, e cila ruhet me fanatizëm midis rrënojave dhe luginave të pyllëzuara të territoreve përreth.

    Ai i Debatable Lands është një realitet tërheqës që përfaqëson ndarjen e fundit të madhe territoriale në Britaninë e Madhe: ishte shekulli XIII dhe klanet e rajonit, pa asnjë etikë, përvetësuan territoret, plaçkitën toka dhe bagëti, edhe duke vrarë nëse ishte e nevojshme. Ajo tokë anarkiste dhe e askujt ishte shumë e rrezikshme për të provuar të sundohej. Për Mbretërit e Anglisë dhe Skocisë nuk ishte ndonjë copë toke e çmuar apo me potencial të lartë bujqësor, kështu që lufta për të nuk konsiderohej e nevojshme.

    Më 1530 Mbreti James V i Skocisë nisi një luftë kundër klaneve që dominonin ato troje duke burgosur dhe dënuar familje të tëra. Në 1552, Skocia dhe Anglia ndanë ato territore kufitare midis tyre duke ia hequr pavarësinë që në fakt i përkiste rajonit.

    Që nga ai moment, gjithçka ka mbetur thuajse e pandryshuar ndërsa ajo që ka ndodhur më parë, mbahet e kyçur në një histori të thënë keq por të pashlyeshme.

    Përgatiti Dardan MITROVICA

  • Aurel PLASARI – 1500 lekë kujtesë historike

    Aurel PLASARI – 1500 lekë kujtesë historike

    Në debatet për mbrojtjen dhe ruajtjen e ndërtesës kulturore shumëfish historike, në të cilën funksionojnë sot “Teatri Kombëtar” dhe “Teatri Eksperimental”, kam ngulmuar më se një herë që t’i shkohet krimit në zanafillë. Të merremi me përgjegjësit që e hoqën atë ndërtesë nga listat e monumenteve të kulturës, të cilat mbrohen nga shteti. Përpos mirëkuptimit nga dy ose tre kolegë të nderuar, kam ndeshur në një skepticizëm zhgënjyes.

    Po ashtu jam bezdisur kur shikoja që beteja thjeshtohej te “si u tenderua”, “sa u tenderua”, “kush fiton më shumë”, “kush zhvat tokën”, “sa fut në xhep ky”, “sa fut në xhep ai”. Mbi 12 herë mund të kem shkruar për nevojën e ruajtjes dhe mbrojtjes së asaj ndërtese kulturore shumëfish historike pa u marrë me shifra dhe xhepa. Nëse dokumente hedhin dritë mbi cilëndo forcë politike që është përgjegjëse për nxjerrjen nga lista e monumenteve të kulturës, pra nga mbrojtja shtetërore e monumentit në fjalë – po e përsëris: të shpallur tanimë me vlerë kulturore europiane, – asaj force do t’i llogaritet përgjegjësia historike e krimit.

    Kur në një intervistë të 9 qershorit 2019 më ka pas pyetur z. Krasta nëse do të bëheshin dot zgjedhje më 30 qershor, ndryshe nga të ftuar të tjerë i kam qenë përgjigjur “po”. E mbani mend? Dhe nuk ma vunë veshin. Të tjerët bënin be e rrufe që ato zgjedhje nuk do të bëheshin kurrën e kurrës. Jam përgjigjur që Edi Rama “i bën” dhe kam shpjeguar edhe se përse Edi Rama “i bën”. Siç i bëri.

    Dhe “i bën” të gjitha sepse qeveris në Shqipëri, ku edhe rrënimi i monumenteve historike është punë e lehtë, në kuptimin që nuk kërkon ndonjë farë guximi a trimërie. Është ves që qeveritarëve rrënimtarë ua ka lënë lija. Janë rrënuar në Shqipëri deri edhe monumente ndër më të rrallat të Mesjetës arbërore. Edhe duke qenë të përfshira në listat e monumenteve të kulturës, pra që mbroheshin nga “shteti”, ndërsa prisheshin po nga “shteti”. Si për të përmbushur ndezullinë e rrënimtarëve xhahilë, është bërë kujdes edhe që të regjistroheshin në pelikulë. Mund ta shohim të regjistruar krejt ngjashëm, në suport elektromagnetik, edhe kryerjen e krimit të ri.

    Shfletoni historinë dhe hapni faqen e zezë të rrënimit të kishës së Shën Mërisë në Vaun e Dejës, asaj ngrehine të rrallë të kultit të shek. XIII, të vlerësuar nga specialistët për arkitekturën gotiko-romanike etj. Për të thoshte legjenda – jo Barleti – që aty pati vënë kurorë vetë Gjergj Kastrioti, Skënderbeu. Rrënimtarët shtetërorë e hodhën në erë me dinamit, ndonëse ajo ishte e përfshirë në listën e monumenteve të kulturës që mbroheshin nga “shteti”. Nëse nuk ia dini historikun, shfletoni dhe lexojeni diku.

    Dhe ngushëllohuni që e kemi ruajtur të stampuar si “souvenir” në kartëmonedhën 1000-lekëshe të Bankës sonë Kombëtare, emision i vitit 1996 dhe rishtypje e viteve 2001, 2007 etj. Pra mund të duhen pritur disa vite për ta pasur, të stampuar në një kartëmonedhë të ngjashme, edhe ndërtesën kulturore shumëfish historike – këtë që pret rrënimtarët – në mënyrë që të mburremi me çfarë na ishte një herë.

    Aucune description de photo disponible.

    Një hollësi më shumë, meqë kujtova historikun e rrënimit të Shën Mërisë në Vaun e Dejës. Nuk ka mbetur vetëm stampimi i saj në 1000-lekëshin bashkëkohor. Së paku një arkitekt, ish-drejtor i Institutit të Monumenteve të Kulturës, edhe nën regjimin diktatorial guxoi të dorëzonte në prokurori një padi kundër atij rrënimi kriminal, pavarësisht se asaj padie nuk iu vu veshi. Quhej Gani Strazimiri. Në historinë e betejave për mbrojtjen e trashëgimisë kulturore-historike të shqiptarëve ka mbetur i regjistruar edhe akti i tij vetmitar.

  • Kourtney Kardashian shtatzënë? “Ja format e trupit tim”

    Kourtney Kardashian shtatzënë? “Ja format e trupit tim”

    Influencer dhe ylli i reality show në SHBA i bën të heshtin zërat mbi një shtatzani të mundshme dhe deformime për format e saj: “Kjo jam unë me disa kile shtesë. Dhe më pëlqen kështu. Kam lindur tre herë, dhe ja si është trupi im”

    Kourtney Kardashian, 41 vjeçe, ka publikuar në Instagram dy nga fotot e saj të reja me bikini. Dhe disa ndjekës, duke aluduar në format e saj, kanë dekretuar: “Është shtatzënë”. Por Kourtney, e cila ka tre fëmijë me ish-partnerin Scott Disick – Mason 10 vjeç, Penelope 7 vjeç dhe Reign 5 vjeç – menjëherë i ka bërë të heshtnin fjalët. Duke shkruar: “Kjo jam unë me disa kile shtesë. Dhe më pëlqen kështu. Kam lindur tre herë, dhe ja si është trupi tim”.

    View this post on Instagram

    🐄 👧🏻

    A post shared by Kourtney Kardashian (@kourtneykardash) on

    Kourtney, që kohëve të fundit ka rifilluar të takohet me modelin 27-vjeçar Younes Bendjima, me të cilin ishte ndarë në 2018, që muajin e kaluar tashmë i ishte dashur të sqarojë se ajo “nuk ishte shtatëzënë fare”. Në atë kohë, patën qenë disa nga fotot e saj në këmishë dhe veshje të brendshme që i bënë ndjekësit të dyshonin për një shtatëzani të re.

    View this post on Instagram

    @poosh

    A post shared by Kourtney Kardashian (@kourtneykardash) on

    Komentet e vazhdueshme për qenien e saj inekzistente në pritje të ëmbël, megjithatë, nuk e shqetësojnë aspak motrën më të madhe të Kim Kardashian: “Mund të mendoj: “Oh Zoti im, dukem shtatzënë?” Por për mua format e lakuara janë shumë femërore. E dua trupin tim, kështu që nuk ofendohem”, ka sqaruar ajo në një live Instagram me mikeshën Sarah Howard. Duke shtuar se një koment në veçanti e ka bërë vërtetë të lumtur: “Një fans më shkruajti: “Mendova se ishe shtatzënë sepse trupi yt duket më në formë, femëror dhe i ndritshëm”.

  • Meghan Markle dhe biografia për të mos qenë më “një yll kapriçioz”

    Meghan Markle dhe biografia për të mos qenë më “një yll kapriçioz”

    Dukesha po shtyn fort për botimin e librit në historinë e saj të dashurisë me Princin Harry: “Kërkon të tregojë sesi kanë shkuar vërtetë gjërat, jeta e oborrit nuk ishte një përrallë. Ikja nga Londra? Nuk kishin zgjidhje tjetër “

    Laura DANI – Meghan Markle, një shpirt revolucionar! Aq revolucionare sa po nxiton të rrëzojë edhe paradigmën e princeshës së lumtur? Mund ta themi edhe këtë, në memoir “Finding Freedom”, ish-aktorja amerikane do të tregojë se qëndrimi i saj në oborr ishte “krejt tjetër nga një përrallë”: “Po të ishte për të, libri do të diltë që nesër”, thotë një burim për Daily Mail. “Nxiton vërtetë për të shpjeguar se si kanë shkuar vërtetë gjërat me Harry-n”.

    Një histori dashurie që fillimisht dukej se kishte me të vërtetë konturet e përrallës, por që shpejt u shndërrua në një kalvar për Sussex-ët. Sidomos për Meghan, e portretizuar nga tabloidët si arrogante dhe mendjemadhe: “Edhe pse ka një stil jetese të caktuar, ajo nuk është ylli kapriçioz që e kanë përshkruar shumë”, shton Insajderi. “Dhe nuk i është drejtuar kurrë vrazhdë stafit mbretëror, duke kërkuar famë ose pushtet”.

    Thënë troç pra, Meghan dëshiron të ndryshojë mendimet që janë krijuar për të dhe – më përgjithësisht – mbi çështjen Megxit. “Qëllimi i saj është të krijojë një lidhje empatike me njerëzit”, përfundon gazeta angleze. “Do të tregojë më në fund anën e tij më vulnerabile, në mënyrë që lexuesit të bëhen të vetëdijshëm për shqetësimet dhe ankthin që i është dashur të durojë gjatë periudhës të tij në Pallat. Kjo është arsyeja pse ajo dhe Harry nuk kishin zgjidhje tjetër përveç të linin Londrën’.

    Nga ana tjetër, “Finding Freedom” – në prag të lançimit – premton të “zbulojë historinë e vërtetë të Harry dhe Meghan, duke shkuar përtej titujve të gazetave dhe duke treguar detaje të panjohura për këdo”. Libri, që do të dalë në gusht, është shkruar nga gazetarët Omid Scobie dhe Carolyn Durand, por Dukeshka kishte një rol themelor në hartim: “Ka vënë gjithmonë fjalën e fundit, pa miratimin e tij memoir nuk do të ekzistonte”.

    Një miratim revolucionar, domethënë.

  • Rob KORE – Trump Supporters

    Rob KORE – Trump Supporters

    Kur Trump tha para 3 vjetësh që Obama ka përgjuar fushatën e tij, të gjithë e quajtën Trumpin idjot, të çmendur etj.

    Shumë kundërshtarë të Trump nuk pushonin në CNN duke thënë që “deep state” është një fantazi e Trump dhe ata që i besojnë këto “përralla” janë të çmendur.

    Tashmë dokumentat janë deklasifikuar bashkë me emrat e të gjithë atyrë që janë implikuar në këtë puç.

    Ai që ka urdhëruar për përgjimin e fushatës së Trump është vetë Obama.

    Natyrisht kush do ishte tjetër, kur emrat e tjerë janë drejtori i CIA-s dhe drejtori i FBI-së, si dhe zv/presidenti Biden.

    Këta emra vetëm Obama mund t’i drejtonte, sepse vareshin direkt prej tij.

    Kjo përben një nga skandalet më të mëdha në historinë politike të Amerikës.

    Për një veprim shumë më të lehtë se kaq Nixon dha dorëheqjen, i detyruar nga kongresi i asaj kohe.

    Si do mund të vazhdojë konkurimin Biden kur ai ka bërë diçka shumë më të rëndë se Nixon?

    I gjithë investigimi i Moeller ishte nje puç i drejtuar dhe organizuar nga Obama/Biden në bashkëpunim me CIA , FBI si dhe me disa shërbime të tjera inteligjente të huaja.

    A bëhet e qartë tani pse demokratët kanë 3 vjet që nuk bëjnë asnjë lloj opozite, por vetëm kërkojnë “impeachment” të Trump?

    A është e qartë tani pse demokratët kanë 3 vjet që s’pushojnë së bërtituri se Trump është Hitler, kur në fakt Trump po kërkon të tërhiqet nga luftërat?

    A kuptohet tani pse e-mail i kapur i Hillarit drejtuar Donna Brazile thoshte:

    Hiqeni atë fucking idjot, se ai do na vari nga hunda të gjithëve?

    A kuptohet qartë tani e-mail tjetër i Hillarit drejtuar Podestës ku thoshte:

    Hiqeni se po shkova unë poshtë do marr me vete edhe 100 të tjerë senatorë, kongresmenë, njerëz të drejtësisë nga të dy krahët e politikës?

    A kuptohet tani pse Obama bënte fushatë dhe ka folur publikisht disa herë kundër Trump, kur në Amerike ka një ligj të pashkruar që ish presidenti nuk kritikon kurrë presidentin në detyrë?

    A kuptohet tani pse CNN, MSNBC etj Masmedia te medha amerikane s’kane pushuar propaganden anti-Trump dhe propaganden anti-Fox News.

    Sa për kulturë të gjithë ata që akuzojnë Fox News për tv të propagandës duhet ta dinë se jo më kot Fox News ka 15 vjet rresht që është në krye të renditjes përsa i përket shikueshmërisë.

    Sidomos në prime time Fox News ka më shumë ndjekës se CNN dhe MSNBC të marra së bashku.

    A kuptohet tani pse Trump ishte kaq i keq për gjithë ish administratën Obama?

    Po CoronaV është rastësi apo u hodh nga kinezët në një vit elektoral në US?

    Po Obama pse takohej me presidentin Xi, kur ai nuk ishte më president, pra kur ai ishte një qytetar i thjeshtë?

    Cili president tjetër e ka bërë këtë?

    Bush u largua menjëherë në jetën e tij private, ashtu si shumë të tjerë.

    Si ka mundësi që pandemia me shifrat më të ulta ndër të gjitha pandemitë e 1000 viteve të fundit të paralizojë gjithë jetën ekonomike- shoqërore të botës?

    Edhe kjo pyetje do marrë përgjigje shpejt besoj, sepse po investigohen edhe kartelat e vdekjeve të shumë njerëzve.

    Jo më kot dolën plot dëshmitarë dhe thanë që të gjitha vdekjet për arësye të tjera po i faturohen Covid19.

    Shumë njerëz që në fillim u trembën për vdekje, e kanë kuptuar tashmë se virusi ishte i qëllimshëm.

    Edhe ata që janë akoma në gjendje frike do ta kuptojnë që kemi të bëjmë me një histori të stisur nga Kina, OBSH dhe deep state.

    Sidoqoftë ustallarët e skandaleve nuk do pushojnë deri në 3 nëntor duke vazhduar të shfrytëzojnë frikën duke na thënë që virusi do vijë prapë në shtator apo që viruse të tjera më të rënda do shfaqen së shpejti.

    Por më e rëndësishmja është që maskat dhe distancimin do vazhdojnë ta kërkojnë deri në 3 nëntor.

    Ka aresye pse e kërkojne distancimin.

    Të pengojnë hapjen e stadiumeve për të mos lejuar Trump rally.

    Të pengohet fushata e Trump me çdo kusht.

    Rizgjedhja e Trump është fundi tyre.

  • Tatu në kokë, me plagën e të birit, historia e Josh dhe Gabriel mallëngjen webin

    Tatu në kokë, me plagën e të birit, historia e Josh dhe Gabriel mallëngjen webin

    Një histori emocionuese që vjen nga Kansas dhe që tregon dashurinë e pafundme të një babai ndaj foshnjës së tij.

    Gabriel është vetëm 8 vjeç dhe mjekët e diagnostikuan me një tumor në trur; një lajm i tmerrshëm, një grusht i vërtetë për të atin.

    Pas kësaj, fëmija u operua; një operacion shumë delikat, nëntë muaj pas të cilit, kushtet e tij duken fatmirësisht të qëndrueshme.

    Por Gabriel, shumë i vogël për të kuptuar se ai e ka fituar betejën e tij me jetën, nëntë muaj pas operacionit djaloshi mbyllet në vetvete, duke u ndier një “përbindësh” për shkak të shenjës në kokë. Dhe babi Josh tatuon në kokë një shenjë identike si ajo.