Blog

  • Një qen në shtëpi të shton jetën (e thotë shkenca)

    Një qen në shtëpi të shton jetën (e thotë shkenca)

    Ishim gati të vinim bast dhe (më në fund) tani e konfirmon edhe shkenca: të kesh qen na bën mirë, zvogëlon rrezikun e vdekjes, na mban në gjendje më të mirë, por gjithashtu na bën edhe më të lumtur

    Të kesh një qen shton jetën! Kësaj here këtë e thotë shkenca, e në veçanti një studim i botuar në Circulation – revista e American Heart Association.

    Studimi amerikan mblodhi rezultatet e gati 70 viteve vëzhgimeve globale – të publikuara nga viti 1950 deri në maj 2019 – në të cilin janë përfshirë afro 4 milion njerëz në Shtetet e Bashkuara, Kanada, Skandinavi, Zelanda e Re, Australi dhe Mbretëria e Bashkuar.

    Dr. Caroline Kramer, endokrinologe dhe autorja e studimit, konfirmon: “Pasja e një qeni shoqërohet me një ulje prej 24% të vdekshmërisë së të gjitha shkaqeve” dhe është akoma më e dobishme për ata që vuajnë nga sëmundjet vaskulare (31%). Sipas Shoqatës Amerikane të Zemrës, kujdesi për një qen çon në një rritje të aktivitetit fizik prej 30 minutash në ditë.

    “Studimet sugjerojnë që njerëzit që kanë qen kanë një profil më të mirë të kolesterolit dhe presion të ulët të gjakut”, thotë studiuesja. Por nuk është vetëm një çështje veprimtarie fizike. “Përkëdhelja e qenit mund të zvogëlojë presionin e gjakut sa më shumë një ilaç,” vazhdon Kramer.

    Dhe sipas disa studimeve, qentë mund të zvogëlojnë ankthin dhe depresionin. Centers for Disease Control and Prevention amerikane thonë se qentë zvogëlojnë stresin dhe ndihmojnë zhvillimin e duhur të fëmijëve në fushat sociale, emocionale dhe njohëse, përtej faktit që ata janë në gjendje të zbulojnë konvulsionet epileptike apo praninë e disa tumoreve.

    1. Qentë: bëjnë gjithçka për të na ngushëlluar

    Le të ndrejë dorën ai që nuk merret me të mirë nga qeni në një kohë kur gjithçka rreth e qark duket sikur shkon keq e më keq. A thua është vetëm një sensacion i yni? Jo, qentë bëjnë gjithçka për të na marrë me të mira, për të na ngushëlluar. Qoftë edhe nëpërmjet ndonjë lehjeje të lehtë. Apo edhe nëpërmjet lëpirjeve të duarve apo hundës. Dhe kjo tani është vërtetuar shkencërisht.

    2. Na largojnë lotët

    Miqtë tanë me katër këmbë e perceptojnë menjëherë dhimbjen e pronarëve të tyre dhe bëjnë gjithçka për t’i ndihmuar ata. Sidomos nëse i dëgjojnë të qajnë.

    Eksperimenti, i sapo botuar në revistën Learning & Behaviour, përfshin 34 çifte pronarë-qen, duke marrë në analizë raca dhe madhësi të ndryshme.

    3. Si reagojnë ndaj lotëve tanë

    Kështu pra, një nga një, pronarët e qenve u pozicionuan pas një dere transparente. Në mënyrë që kafshët e tyre të mund t’i shikonin dhe t’i dëgjonin. Dhe ndërsa qentë uleshin jashtë derës, pronarëve iu kërkohej të këndonin ose të qanin.

    4. Ata vrapojnë drejt nesh

    Rezultati? Sapo qentë dëgjuan të zotin e tyre duke qarë, në shumicën e rasteve, ata vrapuan për t’i hapur derën e për ta ngushëlluar. Madje e hapën derën tre herë më shpejt se në rastet kur pronari këndonte ose i thërriste.

    5. Sidoqoftë, jo të gjithë…

    Por, të tjerët mbetën si të paralizuar nga lotët e pronarëve të tyre. Jo sepse mungonte një lidhje e fortë. Por sepse, siç kanë vërejtur shkencëtarët, nivelet e tyre të stresit ishin shumë të larta. Aq sa për të mbetur të palëvizur.

    6. Kujdesen për ne

    Qentë perceptojnë në mënyrë të përkryer ndjenjat tona. Dhe si “miqtë tanë më të mirë” kanë treguar se dinë të kujdesen për ne njerëzit.

    7. T’i përkëdhelësh na bën mirë

    Të përkëdhelësh qenin është gjë e mirë. Ul nivelet e stresit dhe presionin e gjakut. Por mbi të gjitha, përkëdhelja ndaj tij na bën të prodhojmë shumë oksitoksinë: hormonin e lumturisë. Në këtë mënyrë ne zvogëlojmë stresin, tensionin muskular dhe ankthin.

    8. Me to kthehet na humori i mirë

    Na ngushëllojnë si të munden, qoftë edhe nëpërmjet lëpirjeve.

  • Nga Hamilton tek NBA, kampionët e sportit bashkë për Australinë në zjarr

    Nga Hamilton tek NBA, kampionët e sportit bashkë për Australinë në zjarr

    Shkretimi i një vendi të tërë nuk ka lënë indiferente as botën e sportit. Këto ditë ka patur shumë mbledhje fondesh dhe donacione. Roger Federer dhe Serena Williams do të jenë në Melbourne të mërkurën, më 15 janar për të zhvilluar një ndeshje bamirësie

    Tronditje, habi, indinjatë, ndjeshmëri, dorën në kuletën, çekun, dhurimin. Kampionët e sportit mblidhen bashkë në krah të Australisë. Është një botë që po i del flaka dhe askush nuk mund të jetë indiferent.

    As ata që janë të mbuluar me flori. Edhe aty gjendet një dritare të hapur që sheh nga planet. Leëis Hamilton, gjashtë herë kampioni botëror i F1, ka rihedhur në profilet e tij sociale videon e një koala të mbështjellë me flakë që shpëtohet nga një grua me ndihmën e rangersave pyjorë.

    Dhe vendosi të dhurojë një çek prej 500,000 dollarësh për të mbështetur ata që janë të përfshirë për shpëtimin e Australisë që dergjet nën flakë. “Më coptohet zemra kur shoh shkatërrimin dhe dëmet që zjarret po u shkaktojnë njerëzve dhe kafshëve në vend”, ka shkruar piloti i Mercedes, që është prej kohësh mjaft i ndjeshëm rreth çështjeve të ambjentit.

    Gjatë këtyre ditëve, apelet, donacionet dhe fushatat për mbledhje fondesh nuk kanë munguar. Yjet e kinemasë, nga Russell Croëe deri te Nicole Kidman, po bëjnë pjesën e tyre dhe tani edhe kampionët e sportit po marrin pjesë në fushatën mbështetëse. Yjet e basketbollit të NBA, nga Ben Simmons (Philadelphia 76ers) dhe Patty Mills (San Antonio Spurs), bënë një fushatë me shokët e skuadrave dhe mblodhën rreth 750,000 dollarë. Simmons tëiton: “Jam mjaft i trishtuar për humbjet me të cilat po përballet vendi ynë. Imazhet e zjarreve, njerëzve, familjeve, zjarrfikësve dhe faunës janë të tmerrshme. 12 milion hektarë tokë të shkatërruara, jetë të humbura, kafshë të zhdukura, shtëpi dhe komunitete në gërmadha”.

    Talenti i ri LaMelo Ball ka dhuruar pagën e një muaji, kolegia e tij Liza Cambage ka aktivizuar një fushatë për mbledhje fondesh online. “Na dhemb shpirti nga shkatërrimet që këto zjarre po i shkaktojnë në vendin tonë” – thanë lojtarët australianë të NBA në një deklaratë të përbashkët – “Mendimet tona janë për familjet tona, për miqtë dhe për të gjithë njerëzit që jetojnë në Australi”.

    Edhe bota e tenisit ka lëvizur gjithashtu. Për të mërkurën më 15 janar në Rod Laver Arena në Melburn janë planifikuar një seri lojrash për të mbledhur fonde për urgjencën dhe rindërtimin. Big-ët e raketës tashmë kanë njoftuar praninë e tyre.

    Roger Federer, Rafa Nadal, Caroline Wozniacki, Stefanos Tsitsipas, Serena Williams dhe Nick Krygios, talenti 24 vjeç i brezit të tij i lindur në Canberra.

    E përsa i përket top-playerve të futbollit nuk ka asnjë lajm për dhurime publike (ndoshta privatisht shumë kanë lëvizur) dhe postimi më i ndjerë ishte ai i Paulo Dybala, shumë i ndjeshëm ndaj ngjarjeve ekologjike.

    Kampioni argjentinas i Juventusit gjatë kësaj jave ka twituar: “Australia është në zjarr. Ne nuk mund ta injorojmë klithmën e natyrës. Kemi vetëm një planet”.

  • Çim PEKA – Një vetë-viktimë seriale si Edi Rama!

    Çim PEKA – Një vetë-viktimë seriale si Edi Rama!

    Nuk ke çfarë ti thuash; Edi Rama është një politikan ‘me fat’ të madh. Për shembull; po të marrim zhvillimet e fundit pas të cilave u shndërrua në Vjenë nga ‘lider rajonal’ siç e tall plot lezet miku i tij Vuçiç, në ‘lider global’ siç e ysht me djallëzi Fuga dhe e kreh me idiotësi Balla, ky fat në derë i erdhi nga Ilir Meta. Nëse ky i fundit do të kishte dekretuar për ministër të Jashtëm gjeniun qesharak Caka, sot në krye të OSB-së nuk do të ishte një ‘kaposh’ në majë të plehut, por një ‘pulë’ që kakaris kot më kot.

    Tani ka shansin që të mendojë e punojë, për 1 miliard njerëzit që mbulon ombrella e OSBE. I duhet që të zgjidh çështjen e Ukrainës e Krimesë. Të përgatisë vizitën te Putin, por mbi të gjitha është historia e Iranit me SHBA. Ndaj mos ja zini në gojë ‘gjërat e vogla’ që po e çojnë vendin ku është kryeministër, në fund të humnerës.

    Si ‘fat i madh’ i erdhi, edhe tërmeti katastrofik i Shtatorit të vitit të shkuar. Ai fat ishte në proporcion të drejtë me dhjetëra të vdekurit; mijëra shtëpi e pallate të hedhura përtokë, e dhjetëra mijëra të tjerëve fëmijë e pleq që prej 3 muajsh presin të dëshpëruar në këtë acar dimri, ndonjë zgjidhje nga qeveria që ai drejton. Ishte njëkohësisht në proporcion të zhdrejtë me shtetin e tij, vrima-vrima nga korrupsioni, i cili rezultoi se kishte vjedhur edhe ‘qenin’ e kërkim- shpëtimit!

    Ndaj nuk e fshehu as një ditë kënaqësinë që i dha tërmeti i 26 Nëntorit, si një shans i ardhur nga qielli për të dalë 20 orë në ditë në TV, duke luajtur të gjithë rolet e mundshme të një komedie të zezë.

    Por mbi të gjitha, atë të viktimës!

    Vetë-viktimizimi është tentativa më e mirë për t’ju shmangur përgjegjësisë si krye-fajtor, ikjes nga llogaridhënia e ballafaqimit me të vërtetat. Bëji të tjerët që tu vijë keq për ty dhe ata, do të amnistojnë. Madje edhe do të ngushëllojnë e do të japin një shans të ri, siç thoshte edhe vetë gjithë ngazëllim, ato ditë që vërtitej nëpër gërmadha me kamerën nga pas.

    Dhe Edi Rama, sa më hapur del e vërteta e asaj se çfarë i ka bërë këtij vendi dhe pasurive të luajtshme e të paluajtshme të tij në këto 7 vite, aq më mjeshtër bëhet në rolin e viktimës. E ka këtë aftësi; le të mos ja hamë hakun.

    Në ditën e parë si kryetar i OSBE gjatë intervistave dhe fjalimit të tij përurues, ai përsëriste për Shqipërinë ku është kryeministër vetëm një fjali e cila pak a shumë kishte në thelb ‘frikën’, se ne mund të bëhemi viktima të Iranit totalitar i cili ka në shënjestër Shqipërinë demokratike të Edi Ramës!

    Më i qetë po shfaqet Trump, sesa Edi Rama. Ka kaq ditë që po parapërgatit rolin e viktimës, por këtë herë në rang global. Duket sikur lutet që Irani të hedh ndonjë copë raketë këtej dhe ai të bëhet krye-lajm botëror.

    Në fakt Irani hodhi disa duzina me raketa drejt bazave amerikane në Irak, por nuk vrau dot njeri. Kurse në ‘Iranin’ që na ka ngritur këtu Edi Rama prej 7 vitesh, vetëm në 10 ditët e fundit policia ka mbledhur gati çdo ditë kufomat që prodhon krimi, me të cilin ai është në ortakëri të hapur.

    Çfarë mund ti bëjë Irani më shumë këtij vendi, se sa po i bën Edi Rama?!

    Kësaj Shqipërie ku ekonomia u rrit gati 2 fish më pak, edhe se ajo e Kosovës; ku kryebashkiakët edhe pse i vendosi pa garë po i bien një nga një si gjethe të kalbura të krimit; vendit ku projekti i tij i kanabisimit 2015-2016 dhe shndërrimit në bazë logjistike ndërkombëtare të kokainës e heroinës, po korr me shumicë të vdekur nga atentatet mafioze?!

    Shihni çfarë bën në këto kohë flirtimesh me Serbinë e Vuçiç dhe Rusinë. Hiqet si i persekutuar nga urrejtja që shpërtheu te shqiptarët e Kosovës e diasporës, (por edhe të Shqipërisë) për ato që ka katranosur me kufijtë e po vazhdon me ‘mini-shengenin’, kurse kur Erdogan kërcënoi hapur Ramush Hardinajn, nuk tha asnjë fjalë.

    Kthejeni kokën pas dhe do të kujtoheni, se Edi Rama ka 22 vjet që e ndërton karrierën e tij mbi vetë-viktimizimin dhe keqardhjen që duhet të kenë shqiptarët për “hallet” e tij

    Që në fillim të viteve 90-të, edhe pse e braktisi lëvizjen e Dhjetori për t’ja mbathur në Greqi, nxitoi që të kthehej e të uzurponte lidershipin e Partisë Demokratike të sapo krijuar. Kur nuk ja doli i qaravitej Pashkos, Ngjelës e të tjerëve, sikur e persekutonte Berisha me ‘tropojanët’ e tij. Iku në Francë për ca ‘punë ‘ që sot ca dëshmitarë po ja dekonspirojnë edhe publikisht dhe u kthye në kohët e trazuara të vitit 1997, të cilat i pa si një shans e fat të madh për ambicien e tij për pushtet. Hëngri një dru të fortë për të cilin nuk guxoi kurrë të thotë arsyen e vërtetë, por u kujdes që fotografia me dhëmbët e thyer dhe hundën e shtypur, të dilte në ballinë të gazetave.

    U shfaq atëherë si viktimë e ‘shiksave të Berishës’, po ka 7 vjet në pushtet dhe nuk po i gjen dot autorë e drurit, që të marrin dënimin e merituar sepse ishte një rrahje që si vështirë se do ta harrojë, sa të jetë gjallë!

    Pas një viti e riktheu Fatos Nano nga Parisi si ministër Kulture, por prapë nuk hoqi dorë nga roli i viktimës. Shkonte te Nano dhe i qahej se Ilir Meta dhe Pandeli Majko donin ta shkarkonin dhe ‘ta hiqnin qafe’ nga politika. Pastaj kur u bë kryetar bashkie dhe ju hap oreksi për ti marrë Nanos karrigen e kryetarit të PS-së shkonte këtë herë te Meta e Majko dhe bënte si viktimë e Nanos, i cili e akuzonte edhe si trafikant ikonash.

    Është e njëjta periudhë kur te 21 dhjetori ku kishte shtëpinë atëherë, ndonjë gur llastiqesh me të cilat luajnë fëmijët e mbrapsht (apo ndonjë improvizim i vetë atij, sepse nuk u zbulua kurrë e vërteta), i theu xhamin e shtëpisë. Këtë herë nxori një krevat në korridor të shtëpisë dhe priste gazetarët duke ju thënë, se ishte viktimë e sulmeve të Berishës. Këto janë karamelet e doktor Berishës-psherëtinte. Gazetarët iknin të trishtuar nga halli që e kishte gjetur atë burrë të gjatë që rrinte i shtrirë e i mbuluar me një batanije si i ‘plagosur’ nga kërcitja e xhamit dhe vuuu kryetitulli në faqen e parë të ‘Shekullit’, e ndonjë gazete tjetër: Atentat Edi Ramës…

    Sa herë që i duhet që të dalë nga ndonjë situatë e vështirë dhe të fitojë pikë në opinion, përdor vetë-viktimizimin duke mos kursyer as familjarët. Kështu bëri me sëmundjen e djalit kur ishte në opozitë dhe sërish me mikeshën e tij që vdiq nga tërmeti, për të cilën derdhi ‘lot’ live në TV.

    Rëndësi ka që shqiptarët të ndjejnë keqardhje e ta lënë të vazhdojë me ambicien e tij për pushtet e pasuri, pa i kërkuar llogari. Për tipa të tillë shkenca e psikologjisë thotë se nuk kanë vlerë, as etika e as kodet morale.

    Pikërisht kur duhet që të japë llogari, nis e përdor taktikën e “mohim-kundërsulmit’ e pastaj bën rolin e viktimës për të manipuluar publikun.

    Është vërtetuar që nga koha e Frojdit dhe Fromit se ata që hiqen si viktima permanente janë në fakt dhunues psikologjikë, të cilët synojnë që ti bëjnë bisht përgjegjësisë dhe dënimit.

    Ky individ është personi ‘më i zënë me punë në botë’, nëse bazohesh tek shfaqjet që jep në TV dhe fjalët që artikulon me mjeshtëri. Ndaj duhet tu vijë keq e t’ja qani hallin. E dëgjoni Edi Ramën çfarë i thotë popullit në takimet e tij ‘gju më gju’ në ERTV?; Eh ta dinit sa e rëndë është puna e kryeministrit!

    Të gjitha ato që për njerëzit normal janë normale, në shfaqjet e psiko-individëve si Edi Rama marrin përmasa epike. Shqiptarët ftohen që ta admirojnë dhe njëkohësisht ta mëshirojnë e tu vijë keq për këtë person që është kaq shumë i zënë me punë të rënda e të rrezikshme (Dje tërmetin, pastaj me punët e liderit rajonal për mini-shengenin, sot me punët e liderit global të OSBE dhe rrezikun iranian) dhe që i bën të gjitha vetë. Që nuk ka as edhe një minutë kohë, për veten dhe familjen. Ndaj duhet jo vetëm të na vijë gjynah e ta lëmë të qetë, por edhe duhet që ta falenderojmë që rrezikon aq shumë.

    Edi Rama është një auto-viktimë serial, të cilin shqiptarëve mund tua heq nga kurrizi dhe ekrani, vetëm një pskiatër. Ndoshta, edhe opozita.

    Sepse ka fatin e madh që në krye të ketë një djalë të mirë, të sjellshëm dhe të edukuar në perëndim si Lulzim Basha, për të cilin Edi Rama kurrsesi nuk do të mund të guxonte të bënte as rolin, sikur është viktimë e tij!

  • Palestinezët mbështesin qëndrimin e Serbisë për Kosovën

    Palestinezët mbështesin qëndrimin e Serbisë për Kosovën

    Ministri i Jashtëm i Serbisë, Ivica Daçiq ka takuar në Beograd shefin e diplomacisë së autoritetit palestinez, Riyad al-Maliki, i cili po qëndron për vizitë në Serbi.

    Sipas një njoftimi të ministrisë së Jashtme të Serbisë, Daçiq ka shprehur mirënjohje për mbështetjen që palestinezët i kanë dhënë Serbisë në organizatat ndërkombëtare, duke mos votuar për anëtarësimin e Kosovës.

    “Ne i jemi mirënjohës Palestinës për mbështetjen parimore në lidhje me Kosovën, dhe kjo mbështetje është me rëndësi të madhe sepse Palestina është shumë e vlerësuar, jo vetëm në botën myslimane, por edhe në vendet e tjera”, ka thënë kryediplomati serb.

    Në njoftim thuhet se shefi i diplomacisë palestineze, Riyad Al Maliki, ka shfaqur mbështetje për qëndrimin e Serbisë ndaj Kosovës, duke thënë se ata (palestinezët) nuk mund të pranojnë asnjë pozicion që nuk është në përputhje me qëndrimin e Serbisë ndaj Kosovës.

    Daçiq dhe Al Maliki nënshkruan edhe disa marrëveshje bashkepunimi.

    Daçiç, ka kujtuar se ish-Jugosllavia ishte ndër të parat “që njohu shtetin palestinez”, madje edhe para disa vendeve arabe.

    Më 2012, palestinezët kanë arritur të fitojnë statusin e “shtetit vëzhgues jo-anëtar” në Organizatën e Kombeve të Bashkuara.

    Izraeli dhe Shtetet e Bashkuara e patën kundërshtuar rezolutën.

    Palestinezët duan shtet të pavarur në Bregun Perëndimor dhe Gaza, me kryeqytet Jerusalemin Lindor.

    Izraeli kundërshton./ EvropaeLire

  • Si u vra John Fitzgerald Kennedy

    Si u vra John Fitzgerald Kennedy

    Kanë kaluar gati 60 vjet nga ajo ditë – “dita kur Amerika humbi pafajësinë e saj”, kështu u përkufizua – dhe ne ende nuk e dimë kush dhe pse qëlloi në kokën e John Fitzgerald Kennedy, Presidentit karizmatik të 35-të të Shteteve të Bashkuara të Amerikës.

    Çfarë thonë amerikanët sot

    Nga një sondazh të zhvilluar në SHBA, rezultoi se 61 përqind e amerikanëve besojnë se Lee Harvey Oswald, vrasësi i JFK nuk ka vepruar vetëm.

    Gjashtë nga dhjetë amerikanë, pra, dyshojnë për ekzistencën e më shumë vrasësve në shërbim të një mandatari. Kush e armatosi vrasësin apo vrasësit? Kësaj pyetjeje nuk i përgjigjet njeri, përkundrazi, përqafojnë tezën e një snajperi të vetëm të izoluar, si në njërin nga filmat më të fundit të xhiruar rreth kësaj çështjeje, Killing Kennedy, të regjisorit hollyëodian Ridley Scott i bazuar në librin me të njëjtin emër nga Bill O’Reilly dhe Martin Dugard. Por teoritë e komplotit nuk bdalen.

    Çfarë ndodhi

    E premte, 22 nëntor 1963. Përgjatë rrugëve të Dallasit (Texas), JFK dhe gruaja e tij Jackie shëtisin në limuzinën luksoze presidenciale, së bashku me Guvernatorin e Teksasit John Connally dhe gruan e tij Lady Bird. Në orën 12 e ’29, limuzina kthehet ngadalë për në Dealey Plaza; ka shumë njerëz për të përshëndetur presidentin dhe Lady Bird, e ulur përballë, i drejtohet JFK: “Z. President, nuk mund të thuhet më që Dallasi nuk të do”.

    Presidenti buzëqesh ndërsa makina po hyn në Elm Street. Dëgjohet një e shtënë e parë, por askush, përveç Connally, nuk e vë re. Disa momente më vonë, JFK përkulet: një plumb i ka hyrë në pjesën e sipërme të shpinës, del nga fyti dhe plagos Connally; një çast më vonë, një plumb i tretë i shpon kokën.

    Arrestimi i një ish-marinsave dhe vdekja e tij misterioze

    Brenda një harku të shkurtër kohor arrestohet një burrë: një i çekuilibruar, një ish-marins 24 vjeç me një të kaluar të trazuar, Lee Harvey Oswald; ai thuhet se ka shkrepur tre herë me një pushkë Mannlicher Càrcano. Oswald dërgohet në stacionin e policisë në Dallas, por dy ditë më vonë ai qëllohet për vdekje me një goditje pistolete nga një kriminel i nivelit të ulët, Jack Ruby. A ka dashur ndokush t’i mbyllte gojën e Oswald?

    Versioni zyrtar

    Quhet Raporti Warren versioni zyrtar i hetimit; i paraqitur në vitin 1964, për vrasjen fajësohet vetëm Oswald, duke qëlluar presidentin nga kati i gjashtë i depozitës së librave të Teksas School. Kjo është “e vërteta zyrtare”, por ka nga ata që kanë dyshime dhe e shprehin haptas atë kur shihet në një filmim shtëpiak, të xhiruar nga një rrobaqepës i Dallasit, Abraham Zapruder, në momentet kryesore të vrasjes. Në Super 8, koka e presidentit duket të lëshohet nga e majta, duke sugjeruar se plumbi fatal erdhi nga përballë e nga djathta dhe jo nga pas, pozicioni ku ndodhej Oswald. Duke shumuar në këtë mënyrë zërat kundër Raportit Ëarren, i akuzuar për mbulimin e një komploti.

    Një hetim i ri

    Në vitin 1976 u krijua një komision i ri, HSCA, raporti i të cilit, i paraqitur në 1979, mbështet hipotezën e pranisë së të paktën 4 të shtënave dhe 2 pistoletave në skenë dhe kritikon sipërfaqshmërinë e Raportit të Warren, por gjithësesi pa arritur në të dhëna të reja të besueshme.

    Një mori hipotezash mbivendosen në mënyrë tronditëse, megjithëse teza e një snajperi të katërt është zhdukur plotësisht.

    Ka nga ata që pretendojnë se Oswald ishte një kukull në duart e kumbarit mafioz Carlos Marcello; të tjerë dyshojnë se ishte në listpagesën e kubanezëve të Fidel Castros; ka nga ata që akuzojnë për vrasjen disa agjentë të larguar nga politika e CIA-s, mes të cilëve Richard Helms, James Angleton, David Phillips dhe E. Howard Hunt; por ka dhe nga ata që drejtojnë gishtin kundër sovjetikëve të KGB-së, apo kundër armiqve politikë të Kenedit si zëvendëspresidenti Lyndon Johnson.

    Por provat deri më tani kanë gozhduar vetëm Oswald.

  • Më në fund, lentja e kontaktit që lëshon ilaçet direkt në sy

    Më në fund, lentja e kontaktit që lëshon ilaçet direkt në sy

    Do të mundësojë trajtimin e disa sëmundjeve inflamatore

    Një lente kontakti e aftë të lëshojë ilaçe direkt në sy për një periudhë të gjatë kohore.

    Ajo u zhvillua në Massachusetts Eye and Ear dhe nga Boston Children’s Hospital në Massachusetts dhe përshkruhet në revistën Biomaterials. Lentja që lëshon ilaçet mund të jenë të dobishme për trajtimin e sëmundjeve të retinës, në të cilat pikat e syve nuk janë efektive. Shumë nga këto trajtime deri më sot kërkojnë injeksione në sy dhe implante invazive.

    Lentja u testua me dexamethasone, një steroid i përdorur për trajtimin e sëmundjeve inflamatore të syve, në disa kavie që kishin uveitis dhe edemë makulare. Eksperimentet kanë treguar që lentet kanë furnizuar në mënyrë të sigurtë një lëshim të zgjatur të ilaçit për një javë. Sipas eksperimentit, lentet e kontaktit ishin po aq efektive sa injeksionet për të parandaluar dëmtimin e retinës që mund të kishte ndodhur pa trajtim farmakologjik.

    Shumica e sëmundjeve të retinës trajtohen aktualisht me injeksione ose implante, të cilat çojnë në efekte anësore të mundshme përfshirë presionin e shtuar të syrit, shkëputjen e retinës, gjakderdhjen dhe infeksionin. Për shkak të frikës nga futja e ageve në sy, shpjegojnë studiuesit, pothuajse një në katër pacientë që duhet të kryejnë injeksione në sy nuk kthehen në takimet e mëvonshme për të vazhduar terapinë.

  • Lamtumirë diabeti, mbipesha, yndyra e barkut dhe kanceri: Ja pse duhet ndjekur dieta që imiton agjërimin dhe të shton jetën

    Lamtumirë diabeti, mbipesha, yndyra e barkut dhe kanceri: Ja pse duhet ndjekur dieta që imiton agjërimin dhe të shton jetën

    Të shmangim rrezikun nga diabeti, mbipesha, sëmundjet kardio-cerebrovaskulare, sëmundjet autoimune, kanceri, Alzheimeri, Parkinson është e mundur

    Të jetosh sa më gjatë dhe më mirë, të luftosh përmes një stili të shëndetshëm dhe aktiv të jetës faktorët e rrezikut të lidhur dhe plakjen patologjike dhe fillimin e sëmundjeve degjenerative kronike (diabet, mbipeshë, sëmundje kardio-cerebrovaskulare, sëmundje autoimune, kancer, Alzheimer, Parkinson), është një realitet i mundshëm.

    Në këtë këndvështrim, ushqime të ndryshme mesdhetare rezultojnë mbrojtëse edhe (e mbi të gjitha) për shkak të kontributit të vitaminave dhe polifenoleve, veprimi antioksidues i të cilëve është në gjendje të kundërveprojë ndaj dëmtimit të radikalëve të lirë, të cilët, duke bashkëvepruar me qelizat dhe trashëgiminë tonë gjenetike, me kalimin e viteve, janë shkak i plakjes patologjike dhe zhvillimit të sëmundjeve të lartpërmendura. Në këtë drejtim, të dhëna interesante dhe inovative shfaqen në kërkimet laboratorike dhe studimet klinike të kryera gjatë 25 viteve të fundit nga Valter Longo i University of Southern California dhe drejtues i programit ‘Onkologji dhe Jetëgjatësi’ në Ifom (Instituti i Onkologjisë Molekulare të Fondacioni Italian për Kërkimin e Kancerit), që çoi në të ashtuquajturat “Dieta e Agjërimit” (DA) dhe “Dieta e jetëgjatësisë” (DJ).

    Ato janë dieta bazuar në konsumin e drithërave integralë, peshqve, bishtajoreve, perimeve dhe frutave sezonale, por me një ulje të kalorive midis 50 dhe 70% që duhet të ndiqet për pesë ditë një ose dy herë në vit. DA, për shembull, është treguar e aftë të zvogëlojë dhjamin e barkut (burim i molekulave pro-inflamatore) dhe, në të njëjtën kohë, e stimulimit të një procesi të riprogramimit dhe rigjenerimit qelizor. Ky ‘reset’ i trupit tonë përfshin një rikthim pozitiv jo vetëm ndaj faktorëve të rrezikut kardio-metabolik, por, siç u përmend, edhe në parametrat e inflamacionit sistemik: pason një impakt u rëndësishëm pozitiv në parandalimin e sëmundjeve kroniko-degjeneruese dhe plakjes së parakohshme dhe patologjike. Gjithashtu, këto dieta, si dieta mesdhetare, falë përmbajtjes së mirë të acideve yndyrore të pangopura dhe yndyrnave omega-3 (yndyrna thelbësore në ruajtjen e strukturës së membranave të qelizave nervore), janë në gjendje edhe të kundërveprojnë në rrudhjen e kujtesës shpesh e pranishme gjayë plakjes dhe, e su rrjedhojë, të parandalojë çmendurinë, duke siguruar jetëgjatësi cilësore.

  • Konfirmohet lidhja midis dhimbjeve dhe motit të keq

    Konfirmohet lidhja midis dhimbjeve dhe motit të keq

    E vërteton një studim i Universitetit të Mançesterit

    Kur është lagështirë dhe ditët janë me erë, trupi ndjen më shumë dhimbje. E thotë këtë një studim i Universitetit të Mançesterit i cili ka vërtetuar se si njerëzit që kanë gjendje kronike shëndetësore (si artriti, fibromialgjia, migrenë dhe dhimbje neuropatike) kanë 20% më shumë mundësi të vuajnë nga dhimbjet pikërisht gjatë këtyre ditëve ku mbizotëron lagështia dhe era. Sipas studimit, faktori më i rëndësishëm që lidhet me përkeqësimin e dhimbjes ishte lagështia. Duke përdorur një aplikacion smartphone, më shumë se 2,600 njerëz duhej të regjistronin simptomat ditore ndërsa kushtet lokale të motit sinjalizoheshin nga celulari falë detektorit GPS.

    Kështu rezultoi se njerëzit në ditët me lagështirë kishin më shumë të ngjarë të ndjenin dhimbje. Një shifër kjo më e lartë se në ditët ku presioni ishte i ulët dhe me erë të fortë. Ndërsa nuk u vërejt asnjë lidhje që kishte të bënte me temperaturën. “Pavarësisht se shumë hulumtime kanë ekzaminuar ekzistencën dhe natyrën e kësaj marrëdhënieje, rezultoi se nuk ka asnjë konsensus shkencor – shpjegon Will Dixon, nga Qendra për Epidemiologji kundër Artritit në Universitetin e Mançesterit – Analizat treguan se në ditë me lagështirë dhe me erë me presion të ulët mundësitë për të pasur më shumë dhimbje, krahasuar me një ditë mesatare, ishin rreth 20%”.

  • Edhe Amazon kundër Deepfake

    Edhe Amazon kundër Deepfake

    Me mbështetje teknike dhe fonde për zbulimin e falsehood

    Edhe Amazon zbret në fushbetejën kundër Deepfake, video dhe audio fake falë inteligjencës artificiale të konsideruara si kufiri i ri i fake-news. Kompania e Jeff Bezo u rreshtua krah Facebook dhe Microsoft në projektin Deepfake Detection Challenge, si partner teknik dhe si anëtar i komisionit që drejton “sfidën”.

    Do të ofrojë udhëzime, mbështetje teknike dhe fonde për ekspertët e machine learning, d.m.th. të sistemeve të mësimit të makinerive, që merren me kundërvënien ndaj fenomenit të videove të falsifikuara. Projekti DeepFake Detection u krijua në shtator nga Facebook në bashkëpunim me Microsoft dhe institucionet akademike si MIT dhe Universiteti i Oksfordit. Partnerët e iniciativës kanë premtuar 10 milion dollarë dhe kanë vënë në dispozicion një sërë të dhënash dhe videove për të ndihmuar njerëzit të krijojnë mjete për zbulimin e falsiteteve.

    Të gjitha të dhënat do të vihen në dispozicion brenda dhjetorit. Qëllimi është të krijohen sisteme ‘open source’, pra të hapur për të gjithë dhe të shfrytëzueshëm lirshëm nga kompanitë, mediat, qeveritë, për të zbuluar video të ndryshuara. Ajo e Deepfake dhe keqinformimit që vjen si rrjedhojë po bëhet një problem gjithnjë e më i përhapur edhe sepse teknologjia po zhvillohet gjithnjë e më shumë në krijimin e një videoje më afër realitetit. Muajin e kaluar, edhe Google publikoi gjithashtu një databazë me video të rreme për të luftuar fenomenin dhe Twitter ka njoftuar se se do t’i kërkonte përdoruesve ndihmë në zhvillimin e një policy ndaj Deepfake.

  • 18 vjet IPod, si e revolucionarizoi Steve Jobs muzikën

    18 vjet IPod, si e revolucionarizoi Steve Jobs muzikën

    Tani, me streaming, miliona këngë në xhepin tuaj

    IPod, lexuesi i file Mp3 që ka revolucionarizuar përvojën muzikore “në këmbë”, është 18 vjeç. Ishte 23 tetor 2001 kur ja behu pajisja në gjendje të fuste “mijëra këngë në xhep” të përdoruesit, siç shkruhej në parullën me të cilën Apple prezantoi produktin në publik. Tani këngët në xhep falë smartphonëve dhe shërbimeve të streaming-ut janë miliona.

    Tetë muaj para iPod, kompania asokohe e udhëhequr më pas nga Steve Jobs kishte lançuar iTunes, programin kompjuterik për të organizuar dhe luajtur skedarë muzikorë, i cili që nga 2003 ka filluar edhe të shesë këngë. Dy operacione të pandashme që kanë shënuar kalimin nga muzika analoge në atë dixhitale, që e kanë rikthyer këtë të fundit në ligjshmëri, duke i dhënë një alternative “të pastër” doënloadëve të muzikës pirate.

    Ndërsa kapaciteti i iPod është rritur me kalimin e kohës: nga 5 GB fillestar, ai ka arritur në 256 GB të versionit më të fuqishëm të iPod Touch në treg tani.

    Sidoqoftë, gjatë 18 viteve të fundit përdorimi i muzikës ka ndryshuar sërish: iPod, playerët e tjerë Mp3, i ka hapur rrugën dëgjimit të muzikës nëpër smartphone, ku këngët mund të ruhen e ku mbi të gjitha mund të arrihen edhe shërbimet e muzikës në streaming.

    Në vend që të blini këngë individuale, Apple Music – ashtu si Spotify, Amazon Music dhe të tjera shërbime – bën të mundur të përzgjidhni nga një katalog me 50 milionë këngë në çdo kohë, në këmbim të pagimit të një abonimi mujor.